Tag: 星爺講波
【星爺講波 18】十六強大戰：法國比利時翻版世盃四強戰 葡萄牙遇斯洛文尼亞有暗湧
法國和比利時可謂難兄難弟，佢哋至目前為止嘅表現未見世界排名第二和三嘅霸氣，小組法軍1勝2和，屈居奧地利之後得次名出線，比利時仲驚險，小組4隊同分，靠得失球差至攞番個第二名出線席位。
【星爺講波 17】十六強大戰：英格蘭誓破斯洛伐克挽面子 格魯吉亞難阻西班牙向前衝
英格蘭決心超越上屆屈居亞軍的成績，然而小組賽雖然順利以首名資格出線，但一勝二和嘅成績同表現，國內球迷、名宿同球評家都唔收貨，口誅筆伐，因而引起教練修夫基、隊長簡尼強烈反應，一時間英軍陣營出現緊張氣氛。
【星爺講波 16】十六強開波：瑞士狀態佳意大利頭痕 德國遇爛打丹麥陷苦戰
休息兩日之後，歐洲國家盃明天嚟到第16日戰火重燃，展開十六強淘汰賽，一場定生死，必定刺激無比。打頭陣嘅第一日兩場比賽，頭場瑞士對意大利，尾場德國對丹麥。嚟到呢個階段場場戲肉，星爺覺得有時間嘅話，每一場都唔應該錯過。
【星爺講波 15】人機估波成功率計數AI:47%/星爺:69% 扒冷推介奧地利
比賽打咗13日，一共踢咗36場，AI估足36場，星爺估咗13場，如果只計勝、和、負嘅賽果，Al估中17場，成功率係47%，星爺則估中9場，成功率係69%。
【星爺講波 14】英軍首名修夫基照被圍插 反轉豬肚狂轟恐弄巧反拙
繼名宿連尼加、舒利亞日前開火，英格蘭完成分組賽並保住首名資格出線16強，以為可以耳根清靜番幾日，點知批評之聲陸續有嚟，最新加入「鬧名單」包括加利尼維爾和贊拿斯兩位前英格蘭國腳，前者指修夫基唔好再「嘥料」，浪費眾多天才球員，「阿歷山大阿諾特、彭馬、比寧咸、沙卡、馬恩奴、科頓——這些都是非常出色的天才球員，我們真的不能誤用這些天才，否則我們會非常後悔，修夫基也會。」
【星爺講波 13】歐國盃死亡E組大亂局 羅比斯烏隨時重演94世盃歷史
明日係歐洲國家盃分組賽最後一日賽事，同樣上演兩組共四場比賽，尾場F組捷克對土耳應該幾有睇頭，兩隊為咗爭次名直接出線資格應該會打甩髀。但E組嘅混亂形勢就更加精彩，星爺推介大家約埋幾個波友，搵定兩部電視或電腦或手機，同時睇住兩場波嘅戰況，保證睇到拆天。
【星爺講波 12】歐國盃分組賽開快車踢4場 C組英格蘭「內訌」 鬥斯洛文尼亞有隱憂
其實論出線變數，頭場D組會比C組大，事關除咗零分包尾嘅波蘭，暫列呢組頭三位嘅荷蘭(4分)、法國(4分)、奧地利(3分)只有1分差距，三隊都有機會直接首次名出線，但都有可能跌落第三位，尤其黑馬奧地利已見上力，隨時左右大局。
【星爺講波 11】歐國盃B組3隊有機會坐尾班直通車 克羅地亞勢全攻型炮擊意大利
2024歐洲國家盃今日踢完A組最後兩場比賽，確定了首次名出線球隊，明日B組再落實兩支可以直接晉級的球隊之後，16強首場戲碼便會有定案(A組次名VsB組次名）。
【星爺講波 10】歐國盃分組賽最後一輪4隊一齊開波 A組瑞士對德國搏和求出線
歐洲國家盃踢埋今日就完成晒全部小組第二輪比賽，明日開始一連4天，同組4隊按賽例將會同一時間開波。明日嘅A組除咗德國提早出線和匈牙利提早出局，直接出線16強淘汰賽嘅次名席位，將是瑞士和蘇格蘭之爭。
【星爺講波 09】歐國盃分組次輪最後一天 土耳其葡萄牙打甩髀 爭首名避撼荷蘭法國
明日三場波，列強之中，如果講形勢最危急，可能係再輸一場就隨時要出局嘅前一哥比利時，但係講到形勢微妙、更加有睇頭，星爺認為應該係土耳其對葡萄牙一場，因為兩隊有乜閃失只以次名出線，十六強淘汰賽隨時即刻硬碰好大機會攞D組首名嘅荷蘭或法國其中一隊；加上C朗呢位六朝元老經常都成為話題人物，睇葡軍出戰多多少少梗會搵到驚喜！
【星爺講波 08】荷蘭爭中場控制搶先機 法國三箭齊發謀定後動
明日又有三場波，我諗識波嘅都唔使星爺推介，紮定馬睇D組荷蘭大戰法國！雙方首輪都攞咗3分，但荷蘭喺得失球差上稍為領先。呢場比賽嘅勝負可以決定小組出線嘅形勢，贏波一隊基本上穩奪首名出線席位。
【星爺講波 07】鬥牛兵以快打慢謀連勝 衛冕意軍以慢打快求反制
首先，講講兩隊喺首場分組賽嘅表現。西班牙首場3-0大勝克羅地亞，表現相當出色。隊長莫拉達繼續發揮佢嘅射手本色，先拔頭籌，加埋法比安雷斯、卡華積嘅入波，西班牙嘅攻擊力絕對強勁。相反，上屆盟主意大利首場2-1反勝阿爾巴尼亞，入球功臣係巴列拿和巴斯東，但整體表現未算穩定，難聽啲講句就係無乜冠軍相。
【星爺講波 06】克羅地亞大叔經驗搭夠 阿爾巴尼亞偷雞「靠搶」
歐國盃決賽周24支球隊全部亮過相，明日(周三)開始第二輪嘅廝殺，3場大戰中，從各隊首場表現及出線形勢嚟睇，星爺覺得B組克羅地亞對阿爾巴尼亞嘅比賽應該最有睇頭。兩支敗軍為咗唔想提早執包袱返歸，呢場幾乎係非勝不可！
【星爺講波 05】C朗領葡軍第六度爭標 誓取褪色捷克響頭炮
明日歐國盃第五天兩場分組賽完成之後，決賽周24支球隊就全部亮相過，係龍係蛇，球迷應該心裏有數。呢一日嘅焦點，梗係第六次代表國家隊進軍歐國盃嘅風雲人物C朗拿度代表嘅葡萄牙，出戰東歐球隊捷克。
【星爺講波 04】法國星級戰將強勢搶首勝 奧地利全場壓逼入波有交代
法國隊係星爺由柏天尼時代就好欣賞嘅球隊，當年佢同泰簡拿、居里斯和費南迪斯組成嘅黃金中場線，睇到波迷拍爛手掌，1986世界盃八強對巴西一戰更堪稱世盃史上最精彩戲碼之一，從當時開始，逢有法國隊比賽星爺都唔會錯過。
【星爺講波 03】英格蘭明亮相可排強陣 謀快刀殺塞軍措手不及
呢位高效射手，還有杜辛華荷域同盧卡祖域；中場方面有米連高域沙域同盧基治等實力派球員，而後防線由尼古拉米連高域同維爾高域鎮守。至於英格蘭，前鋒哈利卡尼（下圖）無疑係隊內核心，仲有布卡約沙卡同fit到漏油嘅科頓等一班年輕有活力嘅進攻球員；後防線有史東斯同捷比亞坐鎮，中場有迪格蘭賴斯同喺皇馬踢到識飛嘅比寧咸，三線實力明顯勝塞軍一籌。
【星爺講波 02】鬥牛兵格仔軍冤家路窄 腳法戰績Vs經驗近態
大家好，又係我星爺同大家講下波，2024歐洲國家盃分組賽明日(星期六)正式轉入直路，開行Turbo踢足3場，要揀最有睇頭，識貨嘅一定揀已經連續四屆歐國盃碰頭嘅B組雙雄——西班牙對克羅地亞。
【星爺+AI 人機聯手講波】歐國盃開鑼 德國蘇格蘭揭序幕 獅子撲兔需防回馬槍
【星爺講波01】2024年歐國盃比賽期間，加拿大《星島網》每日都會有星島駐場「球評人星爺」為大家開壇講波。星爺今次重出足球江湖，唔係踢少林足球，係同你講歐洲足球，論盡今屆歐國盃各場比賽看點、勝負關鍵，仲搵埋AI幫手預測球賽結果，實行人機強強聯手，肯定「近」到無倫！