Tag: 星爷讲波
【星爷讲波 20】最后八强：批评英军阴霾不散 修夫基受压考EQ
在十六强赛，“双斯”——斯洛伐克和斯洛文尼亚就率先示范弱队点样可以打高一皮波。两队同样在被睇淡情况下历史性小组晋级，士气达到超高点，先系斯洛伐克对住上届亚军英格兰大部分时间都领先，如果唔系比宁咸补时最后一分钟忽然从天而降射入世界波，斯洛伐克就完成历史创举。之后再有斯洛文尼亚百二分钟力拒葡萄牙来犯，最后只系互射12码输波，绝对系光荣出局。
【星爷讲波 19】十六强大战：荷兰发力罗马尼亚有排震 黑马奥地利可破土耳其
欧国杯历史上首次出现小组4队三仗同分，需要以得失球差和得球多少来决定名次，罗军结果以较佳得球压倒比利时得E组首名。但唔知好运抑或唔好运，荷兰喺D组最后一场负奥地利，最后仅凭第三名资格晋级，罗马尼亚就阴差阳错下喺16强即刻对住整体表现不俗嘅橙衣军团，过关难度不减反升！
【星爷讲波 18】十六强大战：法国比利时翻版世杯四强战 葡萄牙遇斯洛文尼亚有暗涌
法国和比利时可谓难兄难弟，佢哋至目前为止嘅表现未见世界排名第二和三嘅霸气，小组法军1胜2和，屈居奥地利之后得次名出线，比利时仲惊险，小组4队同分，靠得失球差至攞番个第二名出线席位。
【星爷讲波 17】十六强大战：英格兰誓破斯洛伐克挽面子 格鲁吉亚难阻西班牙向前冲
英格兰决心超越上届屈居亚军的成绩，然而小组赛虽然顺利以首名资格出线，但一胜二和嘅成绩同表现，国内球迷、名宿同球评家都唔收货，口诛笔伐，因而引起教练修夫基、队长简尼强烈反应，一时间英军阵营出现紧张气氛。
【星爷讲波 16】十六强开波：瑞士状态佳意大利头痕 德国遇烂打丹麦陷苦战
休息两日之后，欧洲国家杯明天嚟到第16日战火重燃，展开十六强淘汰赛，一场定生死，必定刺激无比。打头阵嘅第一日两场比赛，头场瑞士对意大利，尾场德国对丹麦。嚟到呢个阶段场场戏肉，星爷觉得有时间嘅话，每一场都唔应该错过。
【星爷讲波 15】人机估波成功率计数AI:47%/星爷:69% 扒冷推介奥地利
比赛打咗13日，一共踢咗36场，AI估足36场，星爷估咗13场，如果只计胜、和、负嘅赛果，Al估中17场，成功率系47%，星爷则估中9场，成功率系69%。
【星爷讲波 14】英军首名修夫基照被围插 反转猪肚狂轰恐弄巧反拙
继名宿连尼加、舒利亚日前开火，英格兰完成分组赛并保住首名资格出线16强，以为可以耳根清静番几日，点知批评之声陆续有嚟，最新加入“闹名单”包括加利尼维尔和赞拿斯两位前英格兰国脚，前者指修夫基唔好再“嘥料”，浪费众多天才球员，“阿历山大阿诺特、彭马、比宁咸、沙卡、马恩奴、科顿——这些都是非常出色的天才球员，我们真的不能误用这些天才，否则我们会非常后悔，修夫基也会。”
【星爷讲波 13】欧国杯死亡E组大乱局 罗比斯乌随时重演94世杯历史
明日系欧洲国家杯分组赛最后一日赛事，同样上演两组共四场比赛，尾场F组捷克对土耳应该几有睇头，两队为咗争次名直接出线资格应该会打甩髀。但E组嘅混乱形势就更加精彩，星爷推介大家约埋几个波友，揾定两部电视或电脑或手机，同时睇住两场波嘅战况，保证睇到拆天。
【星爷讲波 12】欧国杯分组赛开快车踢4场 C组英格兰“内讧” 斗斯洛文尼亚有隐忧
其实论出线变量，头场D组会比C组大，事关除咗零分包尾嘅波兰，暂列呢组头三位嘅荷兰(4分)、法国(4分)、奥地利(3分)只有1分差距，三队都有机会直接首次名出线，但都有可能跌落第三位，尤其黑马奥地利已见上力，随时左右大局。
【星爷讲波 11】欧国杯B组3队有机会坐尾班直通车 克罗地亚势全攻型炮击意大利
2024欧洲国家杯今日踢完A组最后两场比赛，确定了首次名出线球队，明日B组再落实两支可以直接晋级的球队之后，16强首场戏码便会有定案(A组次名VsB组次名）。
【星爷讲波 10】欧国杯分组赛最后一轮4队一齐开波 A组瑞士对德国搏和求出线
欧洲国家杯踢埋今日就完成晒全部小组第二轮比赛，明日开始一连4天，同组4队按赛例将会同一时间开波。明日嘅A组除咗德国提早出线和匈牙利提早出局，直接出线16强淘汰赛嘅次名席位，将是瑞士和苏格兰之争。
【星爷讲波 09】欧国杯分组次轮最后一天 土耳其葡萄牙打甩髀 争首名避撼荷兰法国
明日三场波，列强之中，如果讲形势最危急，可能系再输一场就随时要出局嘅前一哥比利时，但系讲到形势微妙、更加有睇头，星爷认为应该系土耳其对葡萄牙一场，因为两队有乜闪失只以次名出线，十六强淘汰赛随时即刻硬碰好大机会攞D组首名嘅荷兰或法国其中一队；加上C朗呢位六朝元老经常都成为话题人物，睇葡军出战多多少少梗会揾到惊喜！
【星爷讲波 08】荷兰争中场控制抢先机 法国三箭齐发谋定后动
明日又有三场波，我谂识波嘅都唔使星爷推介，扎定马睇D组荷兰大战法国！双方首轮都攞咗3分，但荷兰喺得失球差上稍为领先。呢场比赛嘅胜负可以决定小组出线嘅形势，赢波一队基本上稳夺首名出线席位。
【星爷讲波 07】斗牛兵以快打慢谋连胜 卫冕意军以慢打快求反制
首先，讲讲两队喺首场分组赛嘅表现。西班牙首场3-0大胜克罗地亚，表现相当出色。队长莫拉达继续发挥佢嘅射手本色，先拔头筹，加埋法比安雷斯、卡华积嘅入波，西班牙嘅攻击力绝对强劲。相反，上届盟主意大利首场2-1反胜阿尔巴尼亚，入球功臣系巴列拿和巴斯东，但整体表现未算稳定，难听啲讲句就系无乜冠军相。
【星爷讲波 06】克罗地亚大叔经验搭够 阿尔巴尼亚偷鸡“靠抢”
欧国杯决赛周24支球队全部亮过相，明日(周三)开始第二轮嘅厮杀，3场大战中，从各队首场表现及出线形势嚟睇，星爷觉得B组克罗地亚对阿尔巴尼亚嘅比赛应该最有睇头。两支败军为咗唔想提早执包袱返归，呢场几乎系非胜不可！
【星爷讲波 05】C朗领葡军第六度争标 誓取褪色捷克响头炮
明日欧国杯第五天两场分组赛完成之后，决赛周24支球队就全部亮相过，系龙系蛇，球迷应该心里有数。呢一日嘅焦点，梗系第六次代表国家队进军欧国杯嘅风云人物C朗拿度代表嘅葡萄牙，出战东欧球队捷克。
【星爷讲波 04】法国星级战将强势抢首胜 奥地利全场压逼入波有交代
法国队系星爷由柏天尼时代就好欣赏嘅球队，当年佢同泰简拿、居里斯和费南迪斯组成嘅黄金中场线，睇到波迷拍烂手掌，1986世界杯八强对巴西一战更堪称世杯史上最精彩戏码之一，从当时开始，逢有法国队比赛星爷都唔会错过。
【星爷讲波 03】英格兰明亮相可排强阵 谋快刀杀塞军措手不及
呢位高效射手，还有杜辛华荷域同卢卡祖域；中场方面有米连高域沙域同卢基治等实力派球员，而后防线由尼古拉米连高域同维尔高域镇守。至于英格兰，前锋哈利卡尼（下图）无疑系队内核心，仲有布卡约沙卡同fit到漏油嘅科顿等一班年轻有活力嘅进攻球员；后防线有史东斯同捷比亚坐镇，中场有迪格兰赖斯同喺皇马踢到识飞嘅比宁咸，三线实力明显胜塞军一筹。
【星爷讲波 02】斗牛兵格仔军冤家路窄 脚法战绩Vs经验近态
大家好，又系我星爷同大家讲下波，2024欧洲国家杯分组赛明日(星期六)正式转入直路，开行Turbo踢足3场，要拣最有睇头，识货嘅一定拣已经连续四届欧国杯碰头嘅B组双雄——西班牙对克罗地亚。
【星爷+AI 人机联手讲波】欧国杯开锣 德国苏格兰揭序幕 狮子扑兔需防回马枪
【星爷讲波01】2024年欧国杯比赛期间，加拿大《星岛网》每日都会有星岛驻场“球评人星爷”为大家开坛讲波。星爷今次重出足球江湖，唔系踢少林足球，系同你讲欧洲足球，论尽今届欧国杯各场比赛看点、胜负关键，仲揾埋AI帮手预测球赛结果，实行人机强强联手，肯定“近”到无伦！