【黃庭桄專欄】活著多好

經常演奸角惡人的彭皓鋒，即歌手彭家麗的胞弟，去年7月確診患上直腸癌第三期，由於幾厘米大的腫瘤，生在接近肛門位置，如果要動手術切除的話，便要終生揹著「糞袋」生活。

他毅然拒絕手術，也沒有接受任何電療和化療，寧願從食療方面戒口，亦從生活日常加強體魄，以樂觀心情過每一天。

「去年7月，醫生睇完報告後，話我可能得返一年命左右。」彭皓鋒不以為然，就當今天是最後一天來活。

他看過不少醫學報告，指人的快樂指數，有助釋放一些元素，去把壞的細胞和腫瘤殲滅。

「點解我唔做化療同電療？因為當年我媽媽患咗喉癌，做咗電療之後復發，再做咗幾個月化療就死咗，令我有陰影。」他不斷告訴自己，只要腫瘤不擴散，基本上沒有甚麼大問題，「我當自己已經好返㗎啦！」

上星期我跟他碰面，只見他步履輕盈，精神爽利，根本不似一個癌症病人。「我8月生日，啱啱度過咗發現癌症第十三個月的第二個生日，我好感恩現有的一切，珍惜同家人共處的每一天。」剛慶祝完五十四歲生日的他，正能量滿滿。

他最初發現腫瘤時，有五點幾厘米，到今年1月覆診，增大至八點幾厘米，然後最近再檢查，腫瘤縮小至七厘米左右，而癌症指數則沒有太大上落，維持穩定水平。

「我認識不少懂玄學術數的朋友，但我不會叫對方算命，萬一佢話我今次呢個劫有啲棘手，咁咪會影響我心情？我只係想每一日都有開心正能量去生活。」

對！與其等別人贈返幾句，不如自己快樂地好好活多幾十歲。