黃庭桄-專欄
2024-05-13 16:11:17
【黃庭桄專欄】媽媽,我好愛你!
跟敖嘉年相識多年,他談吐溫文有禮,是一個大善人。在疫情期間,知道某些僧人缺乏口罩,會四出張羅。得悉某些寺廟破落失修,需要義工擔擔抬抬,他會義不容辭。我每當需要找藝人為老人家唱歌表演時,只要有空,他一定到。
人善,心好,自然是孝順仔,我替敖媽媽感到幸福。
最近邀請敖嘉年訪問,暢談母子情,說到觸動處,他不禁悲從中來:「『媽媽,我好愛你』呢句說話,我細細個唔敢講,因為覺得怕羞。自從大個咗,見到好多人湊小朋友,會諗返媽媽湊大我都好辛苦,我希望可以盡力去照顧佢,但我一直覺得自己做得唔夠好。」
敖嘉年坦言,希望可以用自己的少少生命,去換取媽媽更長壽更健康,「我周不時會儍吓儍吓有呢個諗法。」他的淚水如缺堤般流下。
自小父母離異,他的生命拼圖,從此少了一角。
「嗰時屋企窮,媽媽寧願自己着得寒酸啲,都會留返啲錢去買靚衫畀我着。」敖嘉年在小一時,半夜發高燒出水痘,家中沒有冷氣和冰袋,敖媽媽通宵不眠,坐在床邊替他撥扇降溫。
「媽媽當年由內地嚟到香港,唔識字,靠車衫剪線頭幫補家計,離婚後就做清潔工人。」即使如今已經八十二歲,依然在屯門租一個舖仔,售賣日用品和袋仔,「過時過節媽媽仲話生意好好,唔得閒應酬我,哈哈!」
獨居的媽媽,每晚會準時打開電視機,收看兒子主持的《健康關注組》。平日又最愛帶敖嘉年去飲茶,跟她的街坊朋友見面,「佢會話我個仔又嚟咗啦!我知道只要聽到我把聲,見到我一面,佢就會由心入面笑出來!」最好的孝順禮物,就是陪伴。