【黄庭桄专栏】笑谈广东话

朋友忽然考我中文：「到底『静鸡鸡』静啲？抑或『静静鸡』静啲？」
　　
哈！我又真的从来没有细想，但两种说法都有讲过。
　　
「我就觉得，静鸡鸡有两只鸡，一定会嘈啲。而静静鸡有两个『静』字，自然会静得多啦！」
　　
既然朋友摆下中文擂台，我尝试回赠问题：「到底系冇阴功啊？定系阴功呢？」
　　
朋友思索了片刻，尝试作答：「以惨情悲叹程度来说，冇阴功系比起阴功，会再惨啲。」他举一个例：「佢新婚两个月就守寡，仲要啱啱有咗BB，真系阴功囉！」
　　
冇阴功，即是没有积阴德，今世易遭逢厄运，例句如下：「佢畀老公虐打，仲要孭埋老公成百万赌债，自己又刚刚验出生癌，仲要被裁员，屋漏兼逢夜雨，真系冇阴功囉！」
　　
广东话是饶有趣味性的方言，往往同一个词语，会有不同的发音，约定俗成，已经弄不清孰对孰错了，例如：「黑鼆鼆、黑妈妈、黑咪鼆」，你又会讲开哪一个呢？
　　
不妨考考大家，请问以下哪个形容词，才是最蠢的人：「咁鬼死蠢、鬼死咁蠢、正死蠢、蠢过只猪、猪咁蠢。」
　　
又例如：「你觉得『鬼死咁痛』会痛啲？或『咁鬼死痛』痛啲？定系『鬼咁痛』痛啲？还是粗口『好X痛』会痛啲呢？」
　　
如果叫别人闭上眼睛，你的用词会是「合埋眼」、「Hip埋眼」、「恰埋眼」或「瞇埋眼」呢？
　　
正如「爱上一个人」五只字，已经有至少四种意思，可以是爱上了一个人生活，可以是深爱着某一个人，可以是爱上一任的情人，也可以是爱跟某个人发生性关系。看！广东话几好玩！