【曾智华专栏】谷鬼气的「事头婆靓汤」

出外觅食，小弟平均每周四晚，基本香港略具知名度的中菜，全部试匀。

一般落笔，多会善颂善祷，唔得的就讲少句，同情经营者生意难做；得的，尤其中小型食肆，必定推介，作丁点鼓励。

深知今时今日香港环境，不应太苛求。不过，若遇上「大名店」，反正生意长旺，略略要求高一点，也算正常吧。

例如你收得五百元过外号称「烧鹅大王」，就唔该你交足货！「五六七八记」牛腩也如是，并不因内地同胞慕名排队就等如正。尤其服务，若店太欺客，间接搞坏香港饮食业印象，大家必须出声。

罕有地，上周又一餐食到满肚气。

「快乐传媒老是佛」今月轮到小弟做东，选定最近颇多人谈论的湾仔名店「X记」，刚刚搬新址，即以捧场之心杀去。

早早订位，向负责人要求：「望尽食招牌出品，十二个大男人，价钱冇乜问题，麻烦你设计菜单！」传来的菜单，想食的全部有齐：煎焗鱼肠、油泡鲜鱿、怀旧虾多士、煎酿顺德鲮鱼、虾子柚皮、生炒即炸排骨、枸杞浸黄沙猪膶、拆肉泥鯭粥、豉油王炒面加韭菜芽菜，尤其过瘾为有味「事头婆靓汤」。

日子到，十二条大汉杀去，爆满，如此好生意，证明出品应该有保证⋯⋯啩？

上菜！第一味油泡鲜鱿亮相，人人你眼望我眼⋯⋯咁细碟，点搞？大家知书识礼，互推你食先、你食先⋯⋯第二味仲大镬，虾子柚皮只得两件，十二人点分？作为主人家的我冇晒瘾，因必定被误会⋯⋯使唔使咁孤寒？

即揾经理加码再来一碟。

到「事头婆靓汤」上，出事，少少瓜类滚少少冰鲜猪骨，淡到连大排档「例水」都不如。「老是佛」个个摇摇头，你眼望我眼，个心就⋯⋯