【曾智华专栏】父亲节冇马跑

不知是压力太大又或是从善如流，马会决定父亲节冇得马照跑，改在前一日（6月15日）开跑黄昏马。好唔好？其实大部分马迷都无所谓，只是可能打乱不少预定的约会。

马会今季安排赛事，最多人认为怪怪的为假日编夜赛，唔知有乜逻辑？5月有两个公众假期，刚刚是周三，有乜理由唔跑日马？第一，会少好多投注额。第二，搞散好多人的「做节晚饭」，实属多余安排。究竟下季编期大员会否重蹈覆辙呢？好快揭晓，因已步入季尾也。

明天戏码一般，决定选第三场一班千四米拆局。唔知点解报名冷淡，只得六只，可能马王级唔吼，费事浪费马匹里程。好，由最高分的讲起。

一、「健康愉快」，七岁马，实力见尽，虽长期评一百分以上，但参战一、二级赛已经勉强，无法入位，只可在三级赛博博。今次回跑普通一班赛，面对低卡士对手，虽要孭顶磅，翻查纪录，试过一百三十二磅胜出同程，仍要尊重。

二、「神虎龙驹」，千四米专家，上季至今五W同程，但由六十一分起步，加至一百一十一分后，即坐马监，一、二级赛食尘，今次回跑一班，虽孭重磅，仍有机会。

三、「包装必胜」，今季略嫌跑得太密，出赛十次，从未跑过千四米，机会较次。

四、「增有」，也是密密跑，出足十次，近两仗似无以为继，想W？应要等下季了。

五、「杰出汉子」，罕有的位置王，今季出十一次，全部入前五名，一W四Q三P，今次仍孭轻磅，一定要预佢。

六、「旺旺神驹」，马有斗心，但上次W是在特擅的黏地，且用咗好多力，难连搏两铺。高分的「神龙虎驹」及「健康愉快」仍可恃质占先，做复式马胆，拖其余四只，一百蚊下注。