港股急升後回調整 固守50日線可再上|古天后
2月22日,部份時間有陽光,早晚有及有一兩陣驟雨,日間天氣相當溫暖。聯儲局會議紀錄顯示大部份官員均表示不急於減息,但通賬已受控制,認同息口已見頂。美股高位缺乏消息牛皮,市場等待盤後Nvidia公布季績。道指升48點;標指升6點;納指則跌近50點。美股於收市前一小時反彈,反映大戶仍有心托市護盤,VIX目前仍於15水平,留意VIX會否升穿17向上突破,屈時美股回吐壓力將增加。
相關文章:Nvidia數據中心收入破頂 黃仁勳稱AI已觸引爆點 高盛讚「地球上最重要股票」
美股業績期已入尾聲,Nvidia公布業績前連跌四日,不過盤後公布季度業績理想,並優於預期,第4季收入增長265%,每股盈利增長765%,管理層對第一季指引相當樂觀,股價盤後升近一成,暫未能升穿上週高位。Nvidia未見績後出現好消息出貨,續後若其股價出現大幅回吐,以其於納指嘅大佔比,定必影響納指表現。
場內資金不足 港股未係時候出擊
至於中港股市方面,中證監限制主要機構於開市及收市時段進行沽空,對A股有一定支持。目前中港股市估值不高,基本面有一定值搏率,不過市場信心不足,加上空軍每日力壓大市。如今A股以手段趕走空軍,有助市場回復信心,當盈利回升時,股價自然會回升。以投資角度睇港股,現價已屆買入水平,但港股仍未係時候參與,即係現價買入將要面對相當反覆嘅表現,要有耐性及唔怕當中頻繁嘅震倉,否則好難有可觀回報。
港股未係時候出擊,主要原因係場內資金不足,唔少股份剛剛有勢向上,一旦散戶願意入場跟車,大戶短炒就獲利割散戶韭菜,久而久之散戶唔信,場內投資客亦無對手,結果越來越少人參與炒賣。以目前港股估值上去看,作中長線投資問題唔大,經濟從來係一個循環,有高有低,有危自有機,反而港股連跌四年,並出現高位已回調一半嘅低位,分段買貨作長線投資係問題不大,更重要係大家對中國及香港未來信心如何。
隔晚美股尾市回升,但港股喺夜期及ADR回吐,主要係滙控(005)業績令人失望,股價大插3%,令昨日恒指升幅削半,報收16503,未能升穿日線保力加通道頂收市。不過今早黑期回穩,恒指昨日挑戰100日線16782點後回吐,技術走勢雖有改善,10日線16091點快升穿50日線16140點出現黃金交叉,但美中不足為即日挑戰百日線未能企穩,更重返保力加通頂部約16526之內,有機會出現回吐整固。港股能否再上一層樓,關鍵為能否守穩多條移動平均線。短線回吐支持為5日線16238點及50日線16140點,一旦失守,定必進一步回落至保力加通道中軸即20日線15910點成功守住才再向上,繼續其見1月低位後所出現浪高一浪反彈之旅。相反所有平均線失守將向下往日線保力加通道底部,約15200點至15300點水平尋支持,甚至向下再破底。
古天后日誌
—
《星島申訴王》將推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁:https://bit.ly/41hgS9E