罗家英谈两度患癌！胃痛检查癌指数达500度 曾赠物业予汪明荃爆妻最怕X
「汪阿姐」汪明荃日前为老公罗家英庆祝78岁生日，两人在1988年因演出粤剧《穆桂英大战洪州》相识继而相恋，2009年结束爱情长跑，步入人生另一阶段，至于已经相爱36年鹣鲽情深。日前罗家英罕有谈及与太太汪明荃相处轶事，原来他们近年外出食饭实行AA制，言谈间亦提到汪明荃曾考虑将财产捐赠到慈善机构，不过因为一个原因，未知会否出现变动。
相关阅读：汪明荃提前庆祝罗家英78岁农历生日 弃昔日最爱品牌改穿Valentino喜庆打扮显细致
罗家英罕谈与汪明荃相处轶事：
罗家英在2004年时确诊患上肝癌第3期，一度要割肝保命，当时汪明荃不离不弃陪伴抗癌，而且更四出访寻名医，曾有指汪明荃花费5位数字为罗家英调校中药。罗家英日前接受好友汪曼玲的YouTube访问，重提当年患病经过，罗家英说：「呢个系呢5、6年嘅事，好话唔好听，我𠮶阵系冇睇过中医，全部都系睇西医，但系都唔系睇得太多，𠮶阵我只系切咗个肿瘤，之后只系食一粒肝药，我到而家都食紧。」罗家英还说：「𠮶阵连电疗同化疗都冇做过，我谂呢啲系命运。」
罗家英胃痛入院意外发现患癌
罗家英称当时因为胃痛而入院，打完止痛针，15分钟之后依然觉得痛，于是医生建议入院检查：「第二朝医生话：『家英哥，你中咗。』医生话验血报告发现有癌症指数，普通人系4、5度，但系我有500度，佢叫我要做过磁力共振同揾多个医生睇，最后发现我个肝有3cm大嘅肿瘤，系恶性，不过好彩肿瘤得一粒，仲系喺肝嘅边，冇扩散，只系割咗就得。」完成手术后的三个月，罗家英再去做磁力共振：「我一路都系咁照住，每半年去做一次，监察注啲指数，点知去到2014年，喺左边肝又发现一粒2cm大嘅肿瘤，又系喺边边，我喺旧年都发现有一粒，不过好细，用微创割咗佢。」
罗家英两度患癌仍觉得很幸运
经历过后，罗家英觉得很幸运：「𠮶个医生真系好好心，佢谂罗文又肝癌，我又系姓罗，不如帮我验埋肝嘅癌症指数，本来唔会特别去验，因为要畀钱，点知一验就验咗出嚟，如果唔系佢咁好心，我唔会知，而且三个月就会变双倍，好快就晚期，容乜易死？如果咁唔好彩好似我咁有病，但系又好彩病到好似我咁好运，真系难得。」直到近年罗家英才开始服食中药，他说：「因为阿姐都食紧中药，所以佢带埋我去睇，医生打咗啲药粉畀我食，一食要食三个月，要6万蚊，我食到而家都食晒，我唔系日日食，只系得闲食吓，而家食咗差唔多2年，仲有一个月嘅份量。」
汪明荃罗家英情侣装品牌逐件睇：
在访问上，罗家英亦谈到财产的分配问题，他说：「我未立平安纸，但系都有呢个谂法，谂住自己仲系好健康，但系个脑就有呢个安排。而佢呢？我唔知佢点安排，不过喺拍拖嘅时候系有讲过，我唔会要你啲钱，你钟意点用就点用，唔会『吼』住你啲钱，家用我会畀，其他嘢就系我自己，钱我有，系冇你咁多，但系我够用。」罗家英还透露阿姐曾考虑将钱捐给慈善机构：「但系我话咁做唔啱，佢仲有个细佬，细佬有两个仔，仔又会生仔，你姓汪，你得呢个细佬，系有后人，点解唔照顾啲后人？」
罗家英送近千万单位给太太
虽然与汪明荃财政独立，但原来罗家英三年前送了一间价值9百多万的单位给太太并说：「我有能力嘛，咪买囉，我哋呢啲大男人，唔可以畀老婆管，所以咪各自各管自己，就算而家我哋出去食饭，都系AA制，一人一半钱。 近排我好钟意出街食，但系佢唔可以去茶餐厅嘅地方，去亲都大大间，每次要成千银上落，餐餐都系我畀钱，咁都唔系办法，咁不如一人一半喇，就算做人情都系一人一半。」不过作息方面则未有分房瞓，罗家英说：「我哋张床好大张，分咗两张床褥，佢又有啲怕黑，多个人陪吓好啲。」
罗家英罕谈与汪明荃的相处
罗家英其后再谈与汪明荃的相处：「佢系强势惯咗，有个男人容许佢咁强势，不过慢慢有啲嘢都系我话事，好似系粤剧方面，如果系我做导演，我要控制场面，好多嘢要听我，咁佢唱嘢唔系我嘅方式，所以我唔可以依照佢嘅方式教佢，要佢揾第二个人教，我系唔会教佢。」至于两人相处又有否嗌交？罗家英则说：「我哋会因为我揸车，佢坐我隔离而嗌交，又唔畀我爬头，要跟住车尾，其实点都系揸车𠮶个做主，呢样系磨擦最多，其他就唔理佢，不过我哋都系讲理由嘅人，好似佢觉得应该两公婆分工合作做家务，但系我一定唔会，跟住咪话男人系咁，佢谂谂又好似系，况且又有两个工人，所以咪冇再叫我做。
其他文章：
77岁汪明荃由GUCCI狂迷变Hermès粉！戴近8千元「茄士咩」围巾 阔太Look靓靓庆生
汪明荃为全红婵敢言发声！深明名人都要付出代价望尊重私隐：做一个文化人
汪明荃炎夏穿羽绒包到冚！两度患癌份外锡身 早前手术成功再活跃各大场合