前亞姐施綺蓮用「變態」方法減肥變皮包骨？ 被爆餐後塞一物入口令XX變習慣
90年代是娛樂圈的黃金時代，當時無論是電影、電視抑或歌曲的產量十分豐富，自然需要大量演藝界人士參與，變相競爭亦相當地提高，除了要有好的演技和歌藝外，外貌亦相當重要，結果不少藝人利用各種方法提升狀態，減肥自然是無可避免的一環，梁思浩日前在YouTube節目《娛樂好好玩》中，大爆明星減肥奇招，指1990年亞洲小姐亞軍施綺蓮用變態方法減肥。
相關閱讀：神隱20年花旦與楊玉梅聚會驚見狀態不敵歲月？ 多位昔日亞視好友齊集有驚喜
施綺蓮用變態方法減肥？
1990年亞姐亞軍施綺蓮當選後曾在娛圈短暫發展，拍過不少電視和電影以及賽馬評論員，2002年與富商唐儀結婚並育有兩女一子後，淡出幕前專心做幸福闊太，直到今年5月，施綺蓮與20歲女兒激罕現身到文化中心睇騷，51歲施綺蓮外貌變化不大，依舊打扮得濃妝艷抺，一對「王小虎眉」竟然撞樣張栢芝！不過梁思浩日前在YouTube節目《娛樂好好玩》上，大爆明星減肥奇招，提到施綺蓮的減肥方式。
施綺蓮瘦到冇人認得
梁思浩透露早年曾為有線節目做主持，需自行找嘉賓，於是邀請施綺蓮，他說：「有一次有個嘉賓就應承咗我，佢一嚟到有線，係我啲同事唔認得佢……佢過瘦呀！大熱天時佢披住一件好厚嘅毛草大衣，我一見到佢就問『你做咩呀』，佢話好凍。」原來施綺蓮減肥過度，身上不夠脂肪，經常感到寒冷。後來施綺蓮脫下毛草大衣，梁思浩驚見她瘦到見骨，施綺蓮被追問下才透露原來因介意外界批評她變胖，所以用極端方法減肥，梁思浩表示：「我話咁樣係病嚟，我話『唔得呀，聽我講啦，你乖啦，你咁樣好恐怖呀』，佢直頭減到骷髏骨咁呀！」
施綺蓮用「變態」方法減肥
梁思浩指施綺蓮用了一個「變態」的減肥方法，就是用筷子扣喉，「大家千祈唔好學，佢話係有人教佢，係另一個選美佳麗教佢㗎！同佢講『冇嘢㗎，記住你食任何嘢，食完嘢就去洗手間』，有人教佢『隊』隻筷子插入去喉嚨入面，佢話手指唔夠長呀，會刮損。佢話一用筷子插入去，個胃全部嘢就會吐返晒出嚟。」最初施綺蓮用筷子扣喉，及後已將催吐變成「習慣」，吃完任何東西，只要低頭便會自然吐出來。
「細細粒」陳嘉佳減肥後突反彈10磅？
施綺蓮聽勸令體重回升
梁思浩忍不住勸施綺蓮說：「咁樣你會死㗎你知唔知，跟住我未做節目之前就同佢講『你唔好咁啦，我未識你之前，細個見你好靚。我唔覺得瘦就係靚，反而你選美嗰陣我覺得好靚，有啲肉地，你而家反而有啲恐怖』。」梁思浩指雖然當時施綺蓮未至於到厭食症，但知道如果情況持續，絕對會有生命危險。後來施綺蓮聽梁思浩勸告，體重回升，之後亦生了小朋友，亦替她感到開心。
施綺蓮大爆當年選美黑幕
淡出多年的施綺蓮曾在2013年接受陳啟泰主持的《亞姐百人》訪問，對於神隱多年，她稱自己有段時間發展事業和生BB。施綺蓮亦又大爆當年選美黑幕：「我記得被偷嘢係啤啤 ( 楊玉梅），不過係衫，唔係乜嘢私人物品。被人剪爛嘢應該係吳綺莉，我仲記得周弘都搞好多嘢出嚟，但係我都未搞清係咪受害者，我永遠係好明顯，做得唔好一定講對唔住，如果我覺得冇錯，就係觀點與角度。」
其他文章：
90年亞姐施綺蓮激罕現身帶女睇騷 經典「王小虎眉」撞樣張栢芝！