苗僑偉淡出幕前做生意同劉德華有關？自爆當年復出拍《學警雄心》壓力大：唔可以失威
66歲苗僑偉（三哥）入行超過40年，多年來外型一向fit爆，身上零贅肉，肌肉線條亦相當明顯，佬味極濃，即使面對一班來勢洶洶的小鮮肉，依然未有被比下去。近日苗僑偉接受同期訓練班同學譚玉瑛的訪問，自爆當年復出拍《學警雄心》竟然覺得壓力甚大！
相關閱讀：苗僑偉大女苗彤晒Body出「股」惑！越大越靚有星味 IG藏海量性感泳照
苗僑偉自爆復出拍《學警雄心》壓力大：
苗僑偉與譚玉瑛相識於80年代，兩人是訓練班同學，談到「三哥」這個稱號，苗僑偉說：「嗰陣有部電影個角色名叫三哥，叫得我最大聲嘅係小黑柯受良，佢離遠見到我就好大聲叫三哥，自此之後個個都叫我『三哥』，叫三哥幾好吖，又穩陣，又唔使做大哥，大哥有事就二哥頂上，三哥最安全，聽下聽下又啱我，所以我非常樂意人哋叫我三哥。」
入行超過40年的苗僑偉，形容自己的演藝事業分了兩個階段，第一部份是訓練班後加入TVB，因「五虎將」合約問題遭公司雪藏，離開咗TVB就加入影圈，他說：「我同劉德華死都唔續約就畀人雪，之後劉德華入咗電影圈有好大成就，我就好唔好彩，離開咗TVB之後都係發展電影，劉德華成日拍啲大戲，但係我就成日畀人叫去客串。當時我有做眼鏡生意，喺90年代初生意仲唔錯，於是把心一橫唔鬼拍戲，專心做生意，做咗14年，到2004年有人買盤，我又有返啲時間，咁啱監製梁家樹咁啱搵我拍《學警雄心》，就開始咗我人生第二個世紀，2004年復出都而家都二十年。」
苗僑偉自爆當年復出拍《學警雄心》壓力甚大：「嗰陣復出都係諗住返番嚟玩吓，個心態又會點呢，可能做咗10幾年生意，個人沉澱咗，覺得做好目前嘅嘢。不過嗰時對住吳卓羲，呢個又係牙尖嘴利，之後又對住黃宗澤、林峯，佢哋同我合作時只係廿幾歲，而家個個變晒中佬。當時拍《學警雄心》好大壓力，因為我做教官，有好多對白，成頁紙對白我講晒，一路訓話，個身已經濕晒，又唔可以喺班後生面前失威，『嘩，前輩嚟喎，五虎將又NG呀』。」
苗僑偉大女苗彤出「股」惑？
苗僑偉年輕時不懂取悅女生，性格又木木獨獨，談到當年與戚美珍為何結婚？苗僑偉透露跟戚美珍於82年認識，90年結婚：「當年大家都鍾意小朋友就結婚，嗰陣唔知點解咁早結婚，為咗棵樹冇咗個森林，都係緣份啦！嗰時我都冇諗過粉絲鍾唔鍾意，我冇劉德華咁勁，佢可以保密幾十年，我保密唔到，可能我哋去嘅地方太張揚，橫掂都畀人影，不如公開。」
現年66歲的三哥永不言休，直言會做到觀眾不喜歡看自己為止，「我又唔會話幾時唔做，有人搵就做，唔使去強求。呢行做咗幾十年，好講運氣、際遇，再講努力，呢行好多人都好努力，但冇運氣同機會；以前好多人埋怨7日7夜冇瞓，又要捱通宵，好多人都好想捱，我自己從來唔會埋怨，接咗工作時，當然最好有時間休息，我會交到好功課，好辛苦時都唔會埋怨，盡量去配合。」
其他文章：
苗僑偉大女苗彤火辣三點式再現人前！零贅肉Body惹人羨慕 顏值超越媽咪戚美珍
苗僑偉32歲長女加拿大出道終成女主角 樣靚身材正不靠父蔭拒絕選港姐