星8卦丨「倒?」情场多波折贴钱打本益「番鬼」以为有得嫁

「倒?」唔知点解次次拍拖都不得善终，好似同「细路」一齐入训练班，青梅竹马都爱得好真心，点知畀同学「车车」横刀夺爱，无非系因为女嘅家境唔错，「细路」自觉冇乜天份，不如早啲咬软更实际。

之后同合作而擦出火花嘅「叔叔」有段父女恋，阴公嘅系两个人相逢恨晚，「叔叔」同老婆可以话系圈中典范，于是就地下恋咗几年，「叔叔」都有照顾下「倒?」嘅生活，可惜老婆去揾高层讲数，叫公司管好啲花旦仔，还返个老公畀自己。如是者跌跌碰碰，「倒?」终于畀「番鬼」狂追，两个人有文化差异，但就好鬼合拍，「倒?」呢个时候有啲钱，「番鬼」话自己好想创业，于时「倒?」即刻拎咗一半身家出嚟帮手。

朋友见到梗系揿住啦，可惜系「倒?」已经情迷心窍，「番鬼」仲话开多一间分店就同佢结婚，但生意真系好麻麻，又卖到咁贵，大家都替「倒?」啲钱肉赤，但一心以为有得嫁嘅「倒?」，已经唔多恋栈幕前，到有一日啲钱蚀晒，「番鬼」又点对佢睇嚟真系要下回分解！