裕美多次拒答應林作求婚 被問點解唔飛甩對方：唔好樣俾到我安全感

裕美今日（26日）接受新城訪問卻遲大到近45分鐘，解釋因工作延誤時間，要搵錢跑數，令睡眠不足精神差兼白髮增生。談到不答應林作求婚？她說：「接受仲要我養佢好辛苦，佢養我唔到，仲話不嬲唔鍾意養女人，林作阿媽最開心聽到阿仔講呢句。我同佢一齊佢已咁講，我預咗。佢唔明白結婚點解要老公養老婆嘅文化。」

裕美認為結婚與否不重要，最緊要開心，又指林作從來都不浪漫，亦從沒給過她金錢，反而還向她賒數。笑問為何不「飛甩」林作？裕美笑指因林作「唔好樣」能給予安全感：「佢好悶，唔出去玩，透明度高，反而我出去工作成日佢話好寂寞，佢比較似女人。」她表示與林作已6年，沒時間找另一對象，笑稱看看明年7年之癢會否出新歌《分手快樂》。此外，她宣傳新出的日本歌《幸福的顏色》，歌曲是送給失散多年再重聚的日籍爸爸，自資約30萬元，聘請日本製作團隊及14位小提琴手製作歌曲。問再唱歌有否考慮參加《中年好聲音》？她說沒這打算。