吳業坤攜妻遊米蘭落地即遇扒手 遭伸手入袋再被包圍
吳業坤於2022年與日籍妻濱口愛子結婚，最近二人到歐洲旅行，首先到瑞士觀光，之後再往意大利。吳業坤表示以往飛歐洲是工作為主，今次純遊才感覺物價昂貴，照片中見到吳業坤過二人世界，太太濱口愛子一臉甜蜜，可見昂貴花費都有價值。只是吳業坤在Threads出PO，表示在米蘭遇上扒手，險些破財。
相關閱讀：吳業坤背日籍索妻會「港產」AV女優 互相餵食態度親暱 肉酸伸脷鯨吞畫面流出
吳業坤遊意大利遇扒手？
吳業坤在IG分享此行不少照片，第一站到瑞士，美景之下令吳業坤笑言：「終於明白瑞士點解咁貴，因為冇可能喺其他地方睇到呢個景色」。吳業坤日前IG表示：「Day1 蘇黎世 伯爾尼，第一次唔係做野飛到去歐洲旅行，去之前都無乜Plan，去到邊Search到邊，係唯一擔心搭車好複雜，但原來瑞士要擔心係車費同消費，不過真係好靚同好Chilllllllll。去咗美術館（咁啱星期三免費），去咗打卡餐廳（嘢食見仁見智），去咗睇日落再去食飯，十點鐘就瞓咁就一日」。
濱口愛子開心似電影世界
之後吳業坤與太太濱口愛子已到意大利旅遊，二人也有在IG打卡，濱口愛子表示自己第一次到歐洲旅行：「好似我住喺電影嘅世界，好開心。」照片中二人飲飲食食睇風景，又見到在日落美景下一人一枝啤酒，非常寫意。吳業坤只分享一張與太太濱口愛子的合照，大晒恩愛。
相關閱讀：吳業坤舊愛晒中門大開照力谷上圍吸睛 曾傳嫌舊愛無財無勢斬半年情？
吳業坤太太首次歐遊：
不過吳業坤昨日（24日）在Threads留言：「個個Fd都話米蘭多賊，啱啱搭地鐵俾個小妹妹伸手入我袋，好彩發現到，佢偷唔到仲要比隻中指我，黐線」，吳業坤再補充：「我好自然咁同佢講wxx r u doing」。網民睇到吳業坤的經歷表示同情：「好慘但係想像到個畫面有啲想笑」、「成件事喺米蘭變到好正常」、「要穿亞婆式背心打底，重要文件，$用小袋裝起收埋背心內，捉緊內子」。
吳業坤開騷前攜妻充電
吳業坤之後再出PO，見到他穿上長外套，重要物件放在外套內，吳業坤表示：「進化了」，但有網民提醒仍要小心：「佢哋會剪爛條電話繩，小心啲」。吳業坤向傳媒透露原計劃在舉行巡迴演唱會前，帶太太度假充電，怎料到達米蘭第一日外出觀光，即發生不愉快事。吳業坤透露當時已做足防小偷措施，但因為對方是幾個10幾歲的少女，吳業坤見兩、三人圍住，便立即攬實太太落車，雖然沒有財物損失，卻影響了旅遊心情。
其他文章：
浜口愛子想孖老公吳業坤拍廣告 專心工作唔急生B 郭柏妍唔覺李佳芯情緒有異樣