姚焯菲18歲成人禮受眾藝人祝福 炎明熹罕現身 仲有徐小鳳抱抱？
姚焯菲（Chantel）當年14歲參加《聲夢傳奇》獲得亞軍，轉眼間昨日（22日）已是她18歲生日，正式踏入成人禮！早前姚焯菲在香港完成演唱會後就已經回到紐西蘭就繼續學業，未能在港與一眾「小菲象」（粉絲暱稱）慶祝生日，但一班粉絲都好有心，為她舉行應援活動外，更請來不少圈中好友隔空慶祝，又製作影片，當中驚見殿堂級歌手徐小鳳。
相關閱讀：姚焯菲睇粉絲祝福片感動爆喊 不好奇炎明熹合約風波一事 驚喜與MC合唱可惜未有機會現場演繹
姚焯菲18歲生日有徐小鳳？
小菲象」為剛成年的姚焯菲製作了一條成長短片，當中有大量她由小靚到大的照片，其中一張是殿堂級歌手徐小鳳抱着她的合照，令人驚喜，當時姚焯菲的頭髮仍未長齊，只得3個月大左右。到2歲時，姚焯菲已是美人胚子，8歲就已見現時的雛型，10歲至13歲讀書雖然是「四眼妹」，但反而相當有書卷味，甚有文青感覺，之後就記錄她參加《聲夢傳奇》唱《戀愛預告》到近年出道的片段。「小菲象」還找來不少圈中好友送上生日祝福，當中除DJ當奴、小儀、詹天文、鍾柔美、張馳豪等外，還有近期罕有公開現身的炎明熹、導師JW王灝兒、泳兒，與及陳瀅等。
姚焯菲更多成長照：
姚焯菲越洋感謝粉絲
姚焯菲透過視象向「小菲象」表示：「昨日是17歲的最後一日，今日正式踏入18歲，其實我都想同18歲嘅自己講，首先作為一個大人非常之唔容易，第二就係我覺得雖然我嘅歲數係一個大人，但我嘅思想、心智仲係唔係非常之成熟，覺得自己仲係一個小朋友，我覺得唔緊要，青春永遠發自內心，我希望自己Keep住青春，仲有搵到一個方法係去成為一個好嘅大人同埋到條路成為一個好女仔，希望18歲以後嘅生活開開心心，我就非常之滿足。」至於生日應援活動有流動宣傳車出動派發宣傳品，姚焯菲還越洋與粉絲連線大合唱生日歌，令她相當感動，大讚流動車「好靚」。
其他文章：
姚焯菲否認是樂易玲新寵冇諗過After Class改名 指炎明熹一向正面不用為發黑圖過份猜測