鄭中基暫休前爆大鑊？翻舊帳直認不喜歡某女星「只可以講嘢唔郁」 矛頭直指阿夢岑寶兒
現年52歲的鄭中基（Ronald）上月因發現經理人何慶湘「工作及道德操守有問題」而宣布與「機動電視台RTV」終止合作，其後再因抑鬱症兼酗酒問題決定暫時休息，到美國參與戒酒療程。但近日鄭中基再次「機動娛樂，除了主持「匪夷所思」外，日前還有一段吳君如宣傳《我談的那場戀愛》的訪問。在訪問上，鄭中基突然自爆不太喜歡某一個女演員，指對方的工作表現是注定紅不了！
相關閱讀：黎彼得質疑鄭中基被寵壞遭翻炒家事 仍每月為子找卡數：30歲都冇搵一毫子返來
鄭中基自爆不太喜歡某一個女演員：
YouTube「機動電視台RTV」在昨晚播出的一集，鄭中基邀請吳君如擔任嘉賓，在節目中互爆大鑊，鄭中基在9月12日播出的一集「匪夷所思」，曾嚴肅地再次交待後續去向：「嚟緊九月高雄演唱會之後呢，我就將會暫時休息一段時間。喺我聲明度，大家都知道㗎啦，我就會去美國，去一個戒酒嘅療程啦，咁跟住我就會休息。咁個Channel就會暫時由其他同事繼續營運住先嘅。大家放心，我之後會再返嚟嘅。」為免令人有所誤會，在留言上亦標明這一集是在7月18日拍攝：「大佬同君如，大大話話都識咗幾十年，默契呢⋯⋯應該都有啲嘅～今集就挑戰下佢哋之間嘅默契，睇下佢哋對對方嘅了解究竟有幾深，今集應該係大佬短期之內最後一條係Channel嘅片，雖然係咁，但係佢休息完就會返嚟㗎啦，希望大家多多支持。」
鄭中基自爆不喜歡某女星
在節目上，吳君如問鄭中基「最唔鍾意同邊個合作」？講得興起的鄭中基說：「我係有一個唔係咁鍾意，但係唔講得佢叫乜嘢名，佢咁樣係紅唔到，一係講對白唔可以行路，一係行路就唔可以講對白，只可以講嘢唔郁，所以同佢拍嘢好慘，拍咗好耐。」鄭中基續說：「嗰次佢無端端做咗我女朋友，嗰部係肥姐（沈殿霞）最後一部劇。」
鄭中基矛頭直指《我要Fit一Fit》岑寶兒
鄭中基口中所指的劇集是《我要Fit一Fit》，當時由肥姐沈殿霞、元華等主演，扮演鄭中基女友是2000年落選港姐岑寶兒，當時因她經常魂遊如靈魂出竅，擺出一副「發夢樣」，於是被封為「阿夢」，其後獲安排做獎門人的「獎老」和拍劇，最經典是《皆大歡喜》飾演「桂枝」，一度有「吳君如接班人」之稱。岑寶兒與同TVB完約後，岑寶兒過檔去有線主持《怪談》，當時她更被鬼上身衝落海兼被安排冥婚，到了2014年，岑寶兒與圈外男友莫如迪（Dickson）閃婚並育有女兒莫善晴 （Hebe），之後便全面淡出娛樂圈，專注照顧家庭。
鄭中基「經理人風波」後首拍片：
鄭中基和吳君如多年來合作無間，鄭中基直言吳君如是唯一一個只要她叫到，自己一定不會推辭的人：「我哋第一次合作係奇怪，係喺台灣佢主持嘅節目，宣傳我啱啱出道嘅唱片，但係我好奇怪，點解請一個唔係好識講國語嘅人，走去主持一個國語節目？」吳君如說：「我等錢使嘛，嗰陣我覺得電影喺90年代尾已經開始沒落，我亦同自己講，唔想再拍嗰啲搞笑戲，咁有人搵咪嘗試下。」
鄭中基疑暗寸王晶處事作風
其後吳君如被問到最不想拍的電影是哪一套時，她笑說：「你陰我？得罪人嘅嘢你叫我講？」殊不知鄭中基叫吳君如大膽去講，他本身亦有份參與：「突然間我哋收到消息，話第二日唔使拍，我哋即刻訂機票返香港，你諗吓我哋係幾咁唔想拍！佢話係古裝，但係啲髮型任X你，嗰陣我個頭唔剪得又唔染得，嗰個人話就咁囉，如果你知套戲，我成個頭都係時裝頭。」吳君如續指對方為人執著，曾在片場跟對方商量一些劇本上的東西，鄭中基搶着說︰「你喺片場見到個導演？你真係幸運！我喺現場未X見過導演！」之後吳君如只說這套電影是五個字︰「呢個都唔算最差，哈哈！」鄭中基說︰「但最衰嗰個係咪都係呢個導演？」有網民稱這套五個字的電影是《笑功震武林》，當年由王晶執導。
其他文章：
鄭中基「經理人風波」後首拍片交代去向！曾認酗酒影片植入護肝產品 網民：戒酒對肝好
鄭中基老婆殘爆現身！余思敏「潛水」逾一個月 臉容憔悴出席生日飯局
鄭中基 承認壓力爆煲再酗酒 患抑鬱停工到美國戒酒：我會努力做好丈夫、好爸爸