「最靓主播」丘静雯被爆有13岁「儿子」？亲回未婚产子传闻：年纪上我生得佢出
有「最靓主播」之称的Now TV前主播丘静雯（Nicole），在2023年与男友阿枫结婚，成为人安妻后作不少尝试，近期转投HOY TV做节目主持，又身兼瑜伽导师，瓣数多多。下周一（23日）是丘静雯的31岁生日， 丘静雯突然公开与「儿子」的秘密？
相关阅读：前最靓主播丘静雯公开未修身前后对比图 容貌升级竟撞样江欣燕胞妹
丘静雯突然公开与「儿子」有关的秘密？
丘静雯在2023年10月与男友阿枫结婚，当时她曾表示计划生两个小朋友：「我哋都好钟意小朋友，不过唔会即刻生，因为结婚会用咗好多钱，要啲时间回一回血。」言犹在耳，在丘静雯身边经常出现一个小男生，再加上两人的外貌相似，于是惹来丘静雯未婚怀孕的传闻。昨日丘静雯突然在IG贴了一段短片，亲自解开「儿子」的秘密：「你个仔？你个仔？你个仔？我哋只系年纪相差18年的姐弟，希希生日快乐！」
丘静雯贴了与亲弟「希希」小时候的合照
在片中，丘静雯贴了与亲弟「希希」小时候的合照制成短片，片中配上字幕亲自回应传闻：「成日有人问我，呢个小朋友系边个？我哋出街会被以为系母子，流言蜚语话我系未婚妈妈，全部我都习以为常。其实我哋系姊弟，希希喺我中学嘅时候出世，我哋相差18年，BB时期嘅希希真系好可爱，好肥好得意。希希把口真系好甜，系个媾女王，其实任何人畀糖佢食，佢都会讲呢啲嘢氹仔你，想当年我都畀唔少糖佢食，佢份人古灵精怪，有时都几好笑，同我一样，佢都喜欢猫，最叻打机，打到上排行榜。」
丘静雯一直在背后支持弟弟
丘静雯又称「希希」的生日愿望很简单：「生日愿望好纯朴，希望默书100分，年年生日礼物收到薯片最开心，我哋生日只系相差几日，年年都会一齐庆祝，佢细细个就好钟意摆pose相，表情多多好盏鬼，而家佢大个仔，怕丑唔钟意上镜，不知何时开始，那个被我抱在怀裹嘅BB，追住我跟嘅小屁孩，已经是个13岁嘅少年，希望希希快高长大，开开心心度过少年时代，姐姐会一直喺你背后。」有人留言：「其实希希似唔似爸爸？」、「 无见佢出现一排原来已经大个咗咁多！」甚至还有人说：「有啲16岁已经生咗。」丘静雯亦有回复：「年纪上我生得佢出㗎！」
丘静雯的父母相：
丘静雯在晚宴上
当日丘静雯在婚宴上致辞，感激父母多年来的照顾：「我屋企系普通基层家庭，要凑大两个女，而加凑紧第三个仔，真系唔容易，多谢爸爸辛苦赚钱养家。好多人觉得我个人好tough（坚强），天跌落嚟当被冚，其实呢种咁硬净嘅性格，我觉得系来自我妈妈。不过我同妈妈一样，仲有个样，生到饼印咁尽得真传。」身为大家姐的丘静雯说：「我好感恩我有一个妹妹，我觉得佢可能系世上最了解我嘅人，好多时唔需要讲太多，佢就会知道我想表达啲咩，内心谂紧乜。仲有我细佬，虽然年纪上我哋似母子多啲，我哋平时成日打打闹闹，一齐打机，互闹大家系猪队友。我一直以为系我陪佢玩，氹细路。点知上年，我搬咗出嚟同枫住，我屋企人都唔知，第一日我喺巴士喊到猪头咁，因为我唔舍得希希（细佬）。我知过多两年你唔会想show我，但我唔会放弃缠住你。」
其他文章：
前最靓主播丘静雯峇里做姊妹晒火辣泳照 曾被索妹抢镜 原来仲有靓女闺密
前最靓主播丘静雯罕晒姊妹火辣照 胞妹拥天使面孔魔鬼身材掀骚动
「最靓主播」丘静雯婚后突然变脸网民唔认得 夸张俯身访问两男士惹热议