余慕莲曾斥男星死要面借钱住私院 嫌疑人黎彼得认要人关照：多谢鱼毛
余慕莲早前曾指有位男星债仔，她好心借钱给对方付医药费，最终很久才还清。而近日曾有「鬼马填词人」之称的74岁黎彼得拍片就谈到入院时曾获余慕莲关照，直认曾是余慕莲「债仔」。黎彼得22年因「通波仔」后一直被「休息」，去年离巢TVB并进军YouTube界，主持节目《玖噏秘笈》。日前一集中，黎彼得除了谈到余慕莲，更自爆被世侄郑中基无视：「我衰极都叫一个小小嘅艺员，你冇理由当我隐形啩？佢真系眼尾都唔睄你。」
相关阅读：《爱回家》前绿叶进军YouTube大爆圈中秘闻 一度患病停工获契仔黄宗泽接济
黎彼得自爆被世侄郑中基无视：
黎彼得与黄霑、卢国沾、郑国江同属香港第一代粤语流行曲填词人，从70年代开始写过不少经典广东歌的歌词，到了90年代，黎彼得进军幕前演出过不少电视和电影，直到2022年因为入院「通波仔」后一直被「休息」，去年离巢TVB并宣布进军YouTuber行列，经常在节目《玖噏秘笈》大爆娱乐圈鲜为一知的一面。在播出的新一集，黎彼得先多谢大家对他的支持，言谈间突然提到郑中基，黎彼得说：「有啲人叫我唔好成日讲嚟讲去都系讲水面𠮶啲，都要讲吓水底，你知唔知水底𠮶啲唔见得光，如果我搿硬去讲，你哋就关仁啫，我随时会再见返佢哋，咁点交代呢？啲人叫我讲吓郑中基，郑中基我就唔会多谢佢，因为我同佢完全唔熟。」
黎彼得与郑中基同䢂被无视
黎彼得续说：「因为一次喺TVB，同埋一架䢂，佢竟然无视我。喂，大佬，我衰极都叫一个小小嘅艺员，你冇理由当我隐形啩？佢真系可以眼尾都唔睄你。我话唔紧要啦，而家新一代系咁㗎啦！但系佢（郑中基）唔明，我同佢爹哋郑东汉，即系Norman郑，原来曾经系朋友，好熟添。我哋197几年识，佢帮过我忙，所以我喺度鸣谢佢。」
黎彼得与郑东汉有偈倾
黎彼得坦言与郑东汉本身有偈倾，又大赞对方好好人：「只不过会唔会纵坏个仔呢？呢啲我唔想再讲。一阵啲人又话，之前话萧若元个仔唔好，咁你个仔好叻咩？呢个好大问题，因为一家唔知一家事。郑中基根本真系唔好嘅，你又酗酒，泶咁嫪，餐餐都出事。呢镬仲大镬，件事都淡出咗，算啦！我都唔想再提，唔系一阵间又话，你又踩人哋个仔，你个仔好叻咩？麻鬼烦，算啦，唔好提。」
余慕莲交代后事、捐身家了心愿：
后来黎彼得点名赞三位在他患病时雪中送炭的朋友，其中一个是余慕莲：「大家都知道余慕莲最近将啲遗产捐畀工业伤亡权益会和东华三院，系好值得尊敬嘅老人家，我点解会同余慕莲结缘？佢同卢宛茵系我少数嘅女性朋友，𠮶一轮我因肺积水喺浸会医院留医，余慕莲间中买早餐探我，我觉得奇怪，同佢好少合作，点解会咁样呢？我喺宝琳帮靓次伯搞咗间学校，余慕莲想捐学校去贵州，想了解一下，惊畀人呃钱，𠮶啲系辛苦钱，佢将喺TVB嘅公积金攞咗一半出嚟捐，好唔话得！佢想了解捐款手续。」
黎彼得感激余慕莲雪中送炭
黎彼得称二人因而成为好友：「跟住我哋都有去唱吓粤曲，呢个老人家好人到不得了，我对佢好尊敬，当年佢仲喺医院同我找过数，𠮶阵佢话你唔落得床，我帮你找咗先啦，医院好得意，住到咁上下就要你找咗一笔先，惊住你走数，所以我要喺度多谢鱼毛，咁要还㗎嘛，佢话：『你边有咁大嚿钱呀，你不如分期还啦。』结果我分期还，还晒，要多谢佢。」不过余慕莲曾爆有某个老牌艺人是她的债仔：「年前佢有病，但死要面住浸会医院，我都系入政府医院咋。每周医院追数时，佢就发脾气话『都出唔到院点找数呀？』最后我帮佢碌住卡先，结果佢分期3年，每月还2000蚊。」余慕莲又爆对方宠坏了20岁的儿子，每次饮宴后都会将食物打包给儿子：「希望佢长命啲，佢死咗，个仔唔知点算好。」
黎彼得对刘銮雄大恩不言谢
黎彼得又说：「仲有一个要多谢嘅就黄玉郎，八几年，我因为肝炎入院，我𠮶时喺玉龙集团做，佢帮我找数一半，𠮶度都十几廿万，因为住养和医院，当时我已经辞咗职，但系佢都同我找数，唔话得。」至于第三位是刘銮雄：「不过因为佢唔想我提佢，唔想好似借住佢嚟宣传，所以刘生嘅大恩不言谢喇！」
其他文章：
黎彼得话星爷唔系好人 笑李龙基:唔屙尿照下个样 收埋大量圈中秘料 做YouTuber爆晒出嚟丨独家