冯皓扬后悔放弃读书入行想再进修 金像男配再演残障人士曾经唔开心丨独家
2022年，冯皓扬（羊羊）凭电影《妈妈的神奇小子》演少年苏桦伟夺金像奖「最佳男配角」，最近同时推出两剧《法证先锋VI：幸存者的救赎》和《我们家的料理》，虽然前者再演残障人士但唔担心被定型，而后者首演BL剧亦比想像中易投入。重提放弃学业入行，他坦认后悔，正计划继续进修。采访：杜杜 场地:The AIR (The ONE)
羊羊在《法证VI》演患有自闭症的「霍宝乐」，对于再演残障人士曾经有少少唔开心，「本身有亚氏保加症都惊俾人定型，但我只系入行好初期啫，之后有其他角色畀我发挥到，人哋就唔会有呢个谂法。」他称演残障人士，在拍摄现场唔敢同人有太多交流，属于自闭状态。讲到《我们家》首演BL剧，他大爆跟顾定轩初次见面被对方说话吓亲，「佢话见到对手系我先拍，唔知佢系咪讲笑嘞！我最介意系佢个样仲后生过我囉！」而A0的他觉得投入感情唔难，「唔使好亲密，只系好close嘅同性朋友。」
想挑战人体极限角色
讲到拍《妈妈的神奇小子》后，2021年公开宣布放弃学业专心演戏，羊羊坦认有点后悔，「𠮶时签嘅公司建议做全职演员，最初我系拒绝，到公司第2次提议，父母先开绿灯，但我谂住体验吓先，不过公司想我喺社交媒体同大家讲，呢样嘢令我冇后路返唔到转头，谂返其实唔系咁好。」下月才20岁的他希望趁后生，弥补冇读中六及考DSE的不足，「短期内会安排，睇吓点样可以继续进修。」
羊羊之前在公司安排下报读TVB艺训班，上了一日堂便退学，他解释当时只想争取更多学习机会，想不到惹来热议，「其实冇上艺训班系因为有广告要拍，加上突然间咁多舆论，都要时间消化，𠮶时仲未成年唔知点处理。」沉淀后他认为要继续学习，在艺术家马兴文协助下入读演艺，「因为我冇考到DSE，只可以读1个学期。」已签约TVB的他希望挑战高难度角色，「好似张家辉喺《激战》或者贾玲喺《热辣滚烫》咁，唔食嘢或者操肌，想像唔到佢哋点样为套戏准备，好想体验吓全身投入嘅感觉，同入剧组即刻就拍𠮶啲角色有咩唔同。」