蒋祖曼唔怕死想夏天拍古装 除咗埋位完全唔敢同黄宗泽讲嘢丨独家

蒋祖曼（Joman）在《法证先锋VI：幸存者的救赎》演国际名模「Nana」，要极速减磅兼首次挑战搞笑戏份，多得偶像黄宗泽（Bosco）傍住，搞笑冇难度。下个目标想拍古装，就算被工作人员拨冷水，夏天拍古装热到癫都唔理，非常坚持。 采访：杜杜 摄影：朱伟彦

Joman演戏超过20年一直拍正剧，「Nana」令她初尝拍喜剧滋味。

 

Joman演戏超过20年一直拍正剧，「Nana」令她初尝拍喜剧滋味。

 

Joman演戏超过20年一直拍正剧，「Nana」令她初尝拍喜剧滋味。

 

曾任模特儿的Joman，知道要演国际名模，即用生酮方法瘦身，边拍边减咗15磅，嗜甜的她最痛苦是戒口，「好多朋友生酮咗好耐，畀咗好多贴士我，仲帮我准备咗好多即食包，最难系戒甜，我真系好钟意饮柠檬茶同食朱古力、雪糕，唯有食冇糖朱古力顶住。」睇剧本时另一个担心，就是角色是自恋的港女，「都惊会唔会好乞人憎？！监制话角色好有趣唔使担心，睇落『Nana』虽然自恋，但𠮶份我行我素系几可爱。」

Joman庆幸成功减掉15磅，否认难着上「Nana」的贴身戏服。

 

Joman在《法证VI》有不少搞笑戏份。

 

演村姑都冇问题

剧中有不少搞笑场口，Joman多得好拍档黄宗泽帮手，「我拍惯正剧，好少做古灵精怪嘢，Bosco喺现场帮咗好多，佢本身搞笑底，会一齐度啲得意嘢！」Joman曾表示不够胆望住Bosco，她强调并非讲笑，「我真系唔够胆望住佢，连同佢讲嘢都唔敢，除咗埋位拍嘢，记者会都系第1次合照，佢好nice，系我问题，我系好I嘅人，对住佢有啲紧张。」同偶像Bosco合作完未够喉，Joman想再合作，「做咩都得，做返佢粉丝囉！哈哈！」

跟偶像黄宗泽合作，令Joman紧张到不敢望住对方。

 

Joman在记者会才够胆跟黄宗泽合照。

 

Joman加入TVB后机会不少，好满足目前发展。

 

​ Joman加入TVB后机会不少，好满足目前发展。

 

Joman签TVB已2年多，可以剧接剧好满足，今年更加愿望成真，试到想拍好耐的喜剧和动作戏，「好开心今年拍咗《武林》，角色打得劲又好癫。」她希望未来可以实现埋拍古装的愿望，「之前《轻·功》戏中戏拍咗少少古装戏，虽然夏天喺郊区拍古装，好热好辛苦，但试咗1、2日几好玩，工作人员话得1、2日梗系好玩，成套拍就知味道㖞！不过我仍然想试吓，就算演村姑都OK㗎！」

《武林》到台湾拍外景，Joman跟黄智贤等拍档寓工作于聚会。

 

Joman早前拍《轻·功》，首次试演古装。

 

工作忙碌的Joman，今年暑假未有太多时间陪仔女。