逆转上半场丨梁咏琪中秋忍唔住手买灯笼畀囡囡 梁雍婷拍球场戏晒黑靠搽美白急救

由梁咏琪（GiGi）、陈湛文、朱栢康、梁雍婷（Rachel）、陈辉虹、凌文龙主演的励志喜感电影《逆转上半场》，日前举行煞科宴，一齐团圆庆祝中秋。

爱心满满的梁咏琪与梁雍婷，为出席煞科宴的小演员准备传统灯笼庆中秋，GiGi说：「我哋拍完部戏，好开心可以再见番面，除咗煞科宴我哋可以预祝埋中秋节，可以食月饼。中秋节除咗趁机会食各式各样月饼，仲会买竹扎灯笼畀个女玩，因为佢哋玩电灯笼多，见到传统款式，我通常忍唔住会即刻买。我哋有时会挂到整个露台都系灯笼，其实只系玩一晚，但都系好认真，好有仪式感去玩呢一晚中秋节。」

梁雍婷说：「我细个时会同屋企人一齐整灯笼，之前疫情都冇机会同屋企咁多人一齐食饭，有啲家人今年返咗嚟香港，所以期待再一大班人坐满一围食饭，真系好耐冇试过。」GiGi问Rachel有否觉得相隔半个月，再见到戏中的小演员感觉他们又长大了，Rachel笑言：「我觉得佢哋皮肤白得好快，新陈代谢系劲，因为我哋每个演员拍完球场戏都晒黑咗，但系佢哋皮肤好快回复变白，但系我嘅肤色仲未回复番正常。」GiGi笑言：「其实我都加紧油，搽多啲美白希望快啲白番。」

此外，有份演出的陈献略表示，为庆祝今次拍摄，要与朱栢康不醉无归，他更笑言其实经常与朱栢康摸酒杯底，朱栢康笑言：「由于一众小演员携同父母到场，所以佢哋今晚冇得饮酒，哈哈！」二人异口同声表示，最高兴是可以一齐食饭、尝月饼，迎接中秋节，期望新戏开拍续集。