TVB真人騷導師爆料玉女藝人藐嘴藐舌審視人？網民「緝兇」競猜 梁朝偉舊愛呼聲高
娛樂圈中不少藝人曾被爆料指私下一面反差大，曾亮相TVB真人騷節目《沒女大翻身》聲音形態導師劉綺華（Eva Lau），昨日（8日）在Threads出帖文，稱原本知道要訪問童年偶像心情好興奮，又指當年覺得對方好靚好清純，怎料在訪問過後大跌眼鏡，直指對方藐嘴藐舌審視人，態度令人好難接受。帖文一出，即引起不少網民注意，紛紛留言問是否大家所想像的女星。
相關閲讀：曾華倩24歲筍盤囝囝高調認愛「翻版Race@2R」 甜晒攬腰合照慶祝拍拖一周年
梁朝偉舊愛被指藐嘴藐舌審視人？
在IG報稱有25年聲音培訓經驗的國際聲音表達導師Eva Lau，昨日在Threads出PO，雖然未有開名，但據她形容的藐嘴藐舌，即有網民估計是否影帝梁朝偉的舊愛曾華倩，還是影后袁詠儀。Eva Lau留言：「當年當我知道要訪問呢位女藝人嗰陣真係好興奮，因為真係兒時嘅偶像，佢生得好靚，典型嘅清純玉女。當日我一返到電台就已經見佢坐咗喺度，我就好開心上前同佢打招呼。點知佢一見到我就藐嘴藐舌，由頭掃到我落尾，然之後佢仲用一個尖酸刻薄嘅語氣問我：『哦，你就係嗰個乜嘢導師呀，咁嘅樣嘅！』 嗰一刻我嘅兒時幻想完全破滅，佢呢種態度真係好難令人接受。」
寸女星不懂尊重人
Eva Lau續指：「呢件事令我諗起『樣衰』同『衰樣』之間嘅分別。『樣衰』就係可能係個樣天生生得衰衰地好似我咁，但係只要心態正確，識得禮貌同尊重人，適當嘅時候發放啲幽默感出嚟，我包保你都會受人歡迎的！但『衰樣』就完全唔同啦！就好似我訪問嗰位女偽人，佢嘅無禮貌同埋成日藐嘴藐舌去審視人嘅行為就係一種『衰樣』，呢種『衰樣』只會令人覺得佢討厭，生得幾靚都係冇用！所以，我哋喺日常社交行為中，都要注意自己嘅言行舉止，千祈唔好變成『衰樣』嘅人。」
相關閲讀：曾華倩24歲仔洩蜜疑戀「翻版Race@2R」 與龔慈恩大女林愷鈴曾被撮合
曾華倩兒子屬星二代「筍盤」：
網民直指性格決定命運
不少網民見到Eva Lau的帖文，都好奇該女星的身份，有網民留言：「一係開名一係唔好講」，之後有不少網民估計是否影后級人馬，還是「玉女」界代表：「袁詠儀」、「好想知喎，姓張、姓周？」之後就有網民問：「姓曾？」、「同偉大嘅演員拍過拖？？」、「係咪曾經同梁朝偉拍過拖姓曾嘅」、「性格整定命運，80年代紅到90年代，一過咗老周電視（亞視）之後唯一翻唔到身嘅得佢」，Eva Lau在多位網民下回應，疑默認當事人的身份。
其他文章：
曾華倩24歲泳將囝囝轉玩高爾夫球 企1.82米吳啟華隔離仍高半個頭