TVB真人骚导师爆料玉女艺人藐嘴藐舌审视人？网民「缉凶」竞猜 梁朝伟旧爱呼声高
娱乐圈中不少艺人曾被爆料指私下一面反差大，曾亮相TVB真人骚节目《没女大翻身》声音形态导师刘绮华（Eva Lau），昨日（8日）在Threads出帖文，称原本知道要访问童年偶像心情好兴奋，又指当年觉得对方好靓好清纯，怎料在访问过后大跌眼镜，直指对方藐嘴藐舌审视人，态度令人好难接受。帖文一出，即引起不少网民注意，纷纷留言问是否大家所想像的女星。
相关阅读：曾华倩24岁笋盘囝囝高调认爱「翻版Race@2R」 甜晒揽腰合照庆祝拍拖一周年
梁朝伟旧爱被指藐嘴藐舌审视人？
在IG报称有25年声音培训经验的国际声音表达导师Eva Lau，昨日在Threads出PO，虽然未有开名，但据她形容的藐嘴藐舌，即有网民估计是否影帝梁朝伟的旧爱曾华倩，还是影后袁咏仪。Eva Lau留言：「当年当我知道要访问呢位女艺人𠮶阵真系好兴奋，因为真系儿时嘅偶像，佢生得好靓，典型嘅清纯玉女。当日我一返到电台就已经见佢坐咗喺度，我就好开心上前同佢打招呼。点知佢一见到我就藐嘴藐舌，由头扫到我落尾，然之后佢仲用一个尖酸刻薄嘅语气问我：『哦，你就系𠮶个乜嘢导师呀，咁嘅样嘅！』 𠮶一刻我嘅儿时幻想完全破灭，佢呢种态度真系好难令人接受。」
寸女星不懂尊重人
Eva Lau续指：「呢件事令我谂起『样衰』同『衰样』之间嘅分别。『样衰』就系可能系个样天生生得衰衰地好似我咁，但系只要心态正确，识得礼貌同尊重人，适当嘅时候发放啲幽默感出嚟，我包保你都会受人欢迎的！但『衰样』就完全唔同啦！就好似我访问𠮶位女伪人，佢嘅无礼貌同埋成日藐嘴藐舌去审视人嘅行为就系一种『衰样』，呢种『衰样』只会令人觉得佢讨厌，生得几靓都系冇用！所以，我哋喺日常社交行为中，都要注意自己嘅言行举止，千祈唔好变成『衰样』嘅人。」
相关阅读：曾华倩24岁仔泄蜜疑恋「翻版Race@2R」 与龚慈恩大女林恺铃曾被撮合
曾华倩儿子属星二代「笋盘」：
网民直指性格决定命运
不少网民见到Eva Lau的帖文，都好奇该女星的身份，有网民留言：「一系开名一系唔好讲」，之后有不少网民估计是否影后级人马，还是「玉女」界代表：「袁咏仪」、「好想知㖞，姓张、姓周？」之后就有网民问：「姓曾？」、「同伟大嘅演员拍过拖？？」、「系咪曾经同梁朝伟拍过拖姓曾嘅」、「性格整定命运，80年代红到90年代，一过咗老周电视（亚视）之后唯一翻唔到身嘅得佢」，Eva Lau在多位网民下回应，疑默认当事人的身份。
其他文章：
曾华倩24岁泳将囝囝转玩高尔夫球 企1.82米吴启华隔离仍高半个头