郑梓浩旧爱公开孙耀威胞妹约炮讯息:传下体相裸聊好淫贱 《中年2》人母孙美贤做「小四」丨独家
《星岛头条》昨天独家踢爆55岁「中2生」郑梓浩(Brian、原名郑家驹)的贱男真身,全城齐估包养他的圈中猛料「小四」身分,谜底获郑梓浩旧爱Grace解开,原来是曾参加《中音2》的孙耀威饼印胞妹、43岁已婚及育有两子的孙美贤(DaDa),真系中年好鬼乱。相识第一日孙美贤已𥄫中用名牌糖衣包装的型男大叔郑梓浩,相当进取玩裸聊,男方以「下体相」回礼,欲火焫著女方租酒店幽会又出钱租屋包养。手揸两人约炮信息及联名租约的Grace更爆郑梓浩食完唱笑孙美贤:「佢成个阿婆咁,搞我都搞我『唔起』。」记者联络孙美贤有关小四指控报道,截稿前未有回复。采访:曾盻坚
相关阅读:《中年2》郑梓浩同居7年女友踢爆终极贱男长期偷食 揭软饭王真身脚踏三船要食壮阳补品丨独家
郑梓浩「小四」身分大踢爆?
郑梓浩扮练歌坐楼下大堂等电话
去年5月,定居瑞士的孙美贤返港参加《中音2》,虽然108强登场时只获1盏灯被淘汰,但她并非空手而回,在孙耀威为她搞的唱K饭局上搭上已有固定女友的Brian。 Grace形容两人是姣婆遇着脂粉客:「郑梓浩表明有『老婆』,但孙美贤唔理,借意关心郑梓浩倾心事,又话『老公唔理佢,佢背夫同老外上司拍咗7年拖,不过已分手,所以今次返港揾男朋友。』郑梓浩就晚晚扮练歌坐喺楼下大堂等电话,之后2人开始玩祼聊,郑梓浩影埋自己下体相撩孙美贤。」
上海幽会回港不停约炮
难忍偷食long D情,去年11月尾孙美贤再回港,郑梓浩诸多借口唔陪Grace去北海道过生日,「原来孙美贤网上买咗单程机票畀郑梓浩飞去上海幽会,3日后一齐坐高铁返广州扮同陈俞霏练歌;返港后孙美贤意犹未尽再约炮,先后喺12月7日及1月7日去咗丽晶及crown Plaza酒店爆房。」Grace越讲越火滚:「孙美贤索性揾屋畀郑梓浩搬出去,12月18日去元朗睇楼及签约,联名租住,按金及佣金全部由孙美贤网上过数,虽然郑梓浩讲明冇钱,但孙美贤话月租万五蚊加埋水电煤负担得起,仲打算叫阿哥(孙耀威)平让部车畀佢用,承诺会长期包养,畀到郑梓浩更好嘅生活,所以12月21日郑梓浩就搬走,但呃我只系借朋友屋企暂住,留条后路畀自己。」
郑梓浩同居7年女友踢爆渣男真面目:
「小四」追正印包养费
今年1月1日,Grace发觉郑梓浩内地有「小三」嗌分手,1月14日以为浪子回头心软复合,点知好返第二日,「偷食二人组」趁Grace去日本玩,即去元朗炮房汇合。直至孙美贤交咗两个月租,才惊觉自己「小四」身份,嬲到唔再「放水」。与此同时,Grace获贴身Fans提醒「偷食二人组」有路:「我睇相都觉得佢哋黐得好埋,所以1月31日喺孙美贤 IG post留言『做乜成日黐实我老公?外边传你哋黐埋?』佢就del我留言,仲扮地产界人士喺我抖音爆料挑机,话『成个地产圈都知道,孙美贤揾埋屋畀郑梓浩住啦』。」𠮶刻才真相大白,之后郑梓浩跟孙美贤反咗面,佢同大仔连食饭钱都冇,加上孙美贤在港时要随传随到,郑梓浩自觉似只「鸭」!
郑梓浩为钱再返Grace身边
最后郑梓浩为咗钱,2月14日再返Grace身边:「佢叫我信多佢一次,话自己只系误入歧途,仲畀讯息我睇『老婆,唔关我事㗎,你睇下佢,全部系佢主动.. 』甚至形容孙美贤不男不女,好似阿婆咁好恐怖,对佢冇兴趣,仲话『佢搞我,都搞我唔起。』」而被飞的孙美贤就日日由朝到晚追魂Call纠缠郑梓浩,并追讨先前的10万蚊生活开支,甚至喺抖音直播中留言及揾收数公司、律师去Grace屋企追数,Grace不屑道:「佢要求我代还,佢包仔,叫我埋单?佢都几好笑㖞!」
「中音家族」怕咗孙美贤
最后Grace力斥孙美贤好唔检点:「佢有老公又有两子点解仲要抢人老公?佢真系好淫贱呀(点解唔同孙耀威投诉?)佢同人讲话唔怕哥哥,反而我有同闺密黎瑞恩、刘威煌老婆哭诉,佢哋都嬲到同郑梓浩绝交,个个都睇唔过眼,我付出感情及几百万喺佢身上又同佢买壮阳药,佢咁对我;而孙美贤 5月再返嚟时曾同『中2生』黄剑文、刘可等默认郑梓浩争佢钱。」Grace笑言孙美贤曾多次凌晨3点约单身的《中音2》沈宗贤去兰桂坊饮酒,「沈宗贤都收到风条女系『食家』惊咗佢;反而朱博文做咗『兵仔』。」最后,Grace更取笑郑梓浩自以为万人迷:「佢话有位爆红视后媾佢,讲到上埋床,视后及经理人收到风,闹爆话再乱传就告佢诽谤…」记者向刘威煌太太查问,她承认Grace曾哭诉过感情出问题,并「咿咿哦哦」表示冇提及「小四」,故不太了解。
其他文章:
郑梓浩被爆是终极渣男 参赛《中年2》获封新一代师奶杀手 获全女班粉丝举牌支持
郑梓浩被指控食软饭兼偷食冧Fans补镬 列5点拒认贱男:壮阳药纯乱讲 前度Grace直斥大话精|独家
中年好声音2丨郑梓浩高贵母现身撑仔!曾歌手梦碎霉到卖菜 有位亲戚是《18楼C座》一员
中年好声音2丨郑梓浩55岁生日!做孝顺仔跟气质妈咪庆祝 全女班粉丝Party展熟男魅力