富貴人妻坐車遇恐怖經歷！大隻男伸手入身體一部位撩出污糟物 過程嘔心險中腳邊：個心喊咗
現年31歲的「牛雜妹」李亦喬（Monnie）早前升級人妻，與拍拖7年的糖水舖太子爺招先生結婚，婚禮當日更是行頭十足，以「褂皇」現身，一身金器，非常富貴。但婚後的李亦喬生活卻十分貼地，昨日（27日），她便在threads上發佈了一則長文，與網民分享她在巴士上遭遇到的恐怖經歷並表示：「個心喊咗，非常嘔心！」
相關閲讀：「牛雜妹」李亦喬結婚丨婚前小產遇人生巨變！「家人」被突襲重傷 走出陰霾迎幸福婚姻
李亦喬分享巴士奇遇？
昨日（27日），李亦喬在threads上發佈了一則長文，直言在巴士上遇到一些讓她感到恐怖又嘔心的事情：「好嘔心，噚日先睇完巴士小姐新聞 今日坐巴士，明明架車好多位（我後面2個位都冇人坐），我啱啱坐低整理緊條裙，所以放低咗個袋喺隔離位，本身行咗去後面嘅男人突然一野坐去我隔離，好彩我夠快手拎走咗個袋。呢位身型頗為龐大嘅男士滿身汗味，我已經盡力將自己靠近牆邊，佢再殺我一個措手不及。撩！鼻！屎！成功挖咗個大礦後，隻手喺離我對腳唔夠5cm嘅距離彈鼻屎！我嚇到個人彈咗一下，佢望住我不以為然。到最後，佢早我一個站落車，落車先發現，明明佢疑似老婆、阿媽同阿仔嘅人物係一齊上車但分開坐，而佢去拎返架bb車時，仲好順手咁將其他人原本打橫放喺隔離嘅行李棟起身，頭也不回走咗，搞到個行李箱飛走咗半場，行李箱主人同友人表示黑人問題？睇嚟，坐巴士都應該要考牌！搵人畀啲交通工具禮儀課畀呢啲奇人上啦好嗎？巴士奇遇。」
對於李亦喬在巴士上遇到不講衛生、毫無公德心的人，網民紛紛留言安慰：「好慘，所以喺巴士入面乜嘢人都會有，遇到呢啲真係要喊出嚟」、「傻豬，唔好坐窗口，走廊位有唔對路可以即走」、「叔叔點都會坐喺啲後生側邊，但係咪做咗人老豆都好，都應該要保持番啲衛生常識同健康意識啩！」
「牛雜妹」李亦喬過大禮勁豪氣：
李亦喬婚後生活貼地
李亦喬去年7月宣布接受男友的求婚，當時在過大禮儀式上，李亦喬未婚夫準備了8塊巨大的心型花膠扒和厚重的金牛禮金，富貴十足。而二人本月初舉行婚禮，李亦喬身上更是金光閃閃，配戴九對龍鳳鈪、兩對「流星捶」金鈪，以及金豬牌、花錬等共16件「六式金」。不過，婚後的李亦喬卻非常低調樸素，生活相當貼地。
其他文章：
「牛雜妹」李亦喬正式公布婚照疑秘升招太？Deep V邪惡高抄盡晒傲人上圍