87岁余慕莲重病复发食标靶药无效尽快了心愿 不怕死却怕老:而家个衰样我唔想畀人睇
今晚(26日)TVB节目《东张西望》报导余慕莲近况,87岁的余慕莲近年曾经历耳石困扰、血液炎、肺纤维化重病曾入住ICU,幸好跨过鬼门关,但早前身体状况再转差,余慕莲透露:「可能复发。」自知命不久矣,于是联络挚友米雪及安德尊协助她完成捐赠的心愿,余慕莲受访期间更一度猛咳。
相关阅读:87岁余慕莲病情出现起伏 米雪安德尊陪同下捐身家 直言盼睡梦中逝去
余慕莲交代后事、捐身家了心愿:
《东张西望》节目组日前到余慕莲家中拍摄,米雪与安德尊亦在场,米雪为余慕莲化妆、Set头,为大日子做准备。余慕莲更因为被米雪要求合照,抱怨自己的老去的容貌,「巢晒皮,影乜鬼,而家个衰样我唔想畀人睇呀嘛!」米雪不断在旁边赞赏余慕莲,又称:「系人都会老㗎啦」,最后成功哄到余慕莲与她合照。
余慕莲:我知我唔掂喇
原来当日余慕莲要到一个机构完成捐赠财产的手续,余慕莲急于完成此事,全因近来身体状况转差,她透露:「最近精神咗,因为食咗啲特效药,医生写纸嘅,但好贵,一个月万几蚊。几年前我入过医院㗎嘛,我瞓咗喺度食唔到嘢,喺QE瞓咗半年,咁而家可能……复发挂。」余慕莲指早前她到医院覆诊,被医生禁止出院:「去到医院又试过呕,呕到咩咁……咁我就知我唔掂喇!」
相关阅读:87岁余慕莲近况曝光!早前入护老院食欲不振暴瘦曾狂呻:就嚟死喇
余慕莲服食标靶药无效
不过余慕莲对生死一向看得淡然,「咁我都唔惊嘅,我都80几岁喇,系咪?所以我就要求米雪同大王帮我揾律师,写定平安纸,因为我冇亲人,我就将间屋呢……死咗先捐呀吓,唔系而家呀!我而家唔知我几时死呀,我唔惊㗎!间屋就捐畀东华三院,咁我银行仲有啲钱嘅,我好悭㗎!我以前做完《欢乐今宵》都唔舍得搭的士返屋企嘅,我行出广播道搭巴士嘅,咁就储埋啲钱啦!啲钱就睇边个慈善机构需要,捐畀𠮶啲慈善机构。」余慕莲表示服食标靶药已无效,现时已转为服食特效药。
余慕莲与亡母关系疏离:
余慕莲不求风光大葬
余慕莲因曹达华而结识安德尊和米雪,原来二人在她大病时一直陪伴她,而米雪更不时上门为余慕莲剪发。安德尊透露,四年前余慕莲大病住院多个月时,她已经提出过要捐财产,「新年后佢去老人院住咗一个月,离开老人院之后呢,佢又唔舒服入咗医院,好差……佢同我讲一句说话,今次棘手啲喇!佢话要处理啲事,我觉得唔系好妥,就揾米记商量。」米雪认为余慕莲捐赠财产是好事,认为应该公开让大众知道,让别人效法她的做法,余慕莲指自己是个低调的人,不爱出风头,不过最后都被米雪说服。米雪说:「佢系一个好开通嘅人,所以立遗嘱,或者自己生前死后点处理……去火化,系佢自己同我哋讲。」余慕莲亦表示早已告知神父无需为她风光大葬,「我冇后人拜,撒喺花园得喇!无憾啦!」
余慕莲曾捐长期服务金建小学
其实早年余慕莲在71岁刚退休时,将约20万长期服务金中的8万元捐到贵州帮忙兴建「余慕莲希望小学」,令山区很多小朋友有上学的机会。余慕莲分享:「我自己读得书少,我小学毕业㗎咋!做得啲乜?𠮶时因为日本仔打仗,系我阿妈抛弃我老窦,(捐钱建学校)自己开心,人哋又受惠。我就至惊人哋呃我啲钱,我啲钱又带唔走。」余慕莲表示几年前大病以为自己会离世,「以为死紧,点知死唔去,又畀我玩多几年,瞓醒咪赚一日囉!每个人都要死,我而家希望死得舒服啲,唔好瞓到屁股又烂、身又烂,最紧要瞓喺度,睡醒已经唔喺度。」而人生即将走到终结,余慕莲决定将自己的财产捐给工业伤亡权益会,原来余慕莲在新闻中看到很多家庭因工业意外失去经济支柱,她希望出一分力让更多人受惠,连工作人员都对余慕莲表示感谢,盛赞她的行为很大爱。
余慕莲希望观众记得她
至于她1985年以29万元购入的400多呎单位,她决定捐给东华三院,余慕莲表示:「了咗我个心愿囉,唔系我死咗间屋畀边个呀,尽咗自己嘅绵力,帮得人就帮啦。交代咗自己想要嘅嘢、想做嘅嘢,因为我知我而家……我都80几啦,唔知几时去㗎嘛,咁去咗𠮶阵时,间屋咁点呢,而家未死就安排先囉,死咗边个帮我安排呀,好过畀人呃呀!你哋《东张西望》成日都有报人呃人!」最后更向观众说:「希望你哋记得我,我搞笑嘅……靓女唔轮到我,我会带畀观众欢乐。」
其他文章:
86岁余慕莲瞓唔到食唔落超忟憎:就嚟死喇 唔惯住护老院暴瘦惊现「鸡爪手」丨独家