視后楊茜堯4歲餅印女「小珍珠」雙腳又紅又瘀 小腿布滿XX網民好心疼
44歲視后的楊茜堯(前名楊怡)與羅子溢(前名羅仲謙)結婚快8年,兩人婚後先後誕下大女「小珍珠」羅翊心(Hera)和細仔Eden。今日(15日)楊茜堯在IG貼出與子女去睇《100%多啦A夢 & FRIENDS》巡迴展覽,小珍珠和Eden盡得父母的真傳,4歲的小珍珠倒模楊茜堯一樣,2歲多的Eden擁一對又大又圓的眼睛,似足爸爸!楊茜堯貼出整輯相片,最搶fo除了是一對靚仔女外,小珍珠小腿上的蚊赧腳亦相當搶眼!
相關閱讀:母親節2024丨楊茜堯罕晒母女照!仔女暴風式成長萌樣搶鏡 楊卓娜貼女兒合照應節
楊茜堯女兒小珍珠雙腳都是蚊赧:
楊茜堯今日在IG出post,她寫道:「多啦A夢一定係每個小朋友兒時嘅理想玩伴,我都唔例外,由細到大,我都好想擁有屬於我嘅多啦A夢。今次佢嚟香港同我哋見面,我同兩個寶貝又點可以錯過呢!兒時回憶返晒嚟,唔知大家鍾意邊個法寶呢?」
小珍珠玉腿佈滿蚊赧痕跡
從照片可見,楊茜堯帶一對寶貝仔女來到K11的《100%多啦A夢 & FRIENDS》巡迴展覽,穿上碎花粉紅裙的小珍珠甜美可人,就連討厭的蚊子也看中小珍珠,把小珍珠的小玉腿當作豐富美食,小珍珠的小玉腿明顯被蚊子叮咬過,一雙小腿都有紅紅瘀瘀退腫的蚊赧痕跡,網民都表示心疼,笑指看來楊茜堯最需要多啦A夢的法寶一定是「強力防蚊器」。
羅子溢楊茜堯萌爆仔女:
網民讚仔女勁靚
楊茜堯、小珍珠和Eden與多個不同造型的多啦A夢打卡,當中更有一張相片看到兩姊弟把頭伸入多啦A夢的口中,小珍珠開心笑着,Eden則擘大口扮驚驚,萌爆!兩姊弟顏值超高,2歲多的Eden更長高不少,身高直迫家姐小珍珠。網民在帖上留言大讚兩姊弟,「你哋三個Q過哆啦A夢啊」、「靚媽同兩個靚小孩」、「爸爸基因強大」、「細佬大個咗好多啊」、「囡囡勁靚女,阿仔又靚仔,真係優良DNA」、「珍珠真的是我見過最漂亮的寶寶」、「見到你一對小朋友彷彿見到迷你版嘅你同子溢,兩個都好得意好靚靚」。
其他文章:
楊茜堯大女「小珍珠」4歲生日近照顏值再升級 大對電眼超長睫毛似迷你版羅子溢