TVB咪神波波黃婧靈疑負荷太重碌落樓梯 整傷一部位骨裂穿小背心灌奶補鈣
26歲「TVB咪神」黃婧靈（波波），擁傲人的逼爆身材，加上在節目《冇人性教育》、《後生仔傾吓偈》中行為出位、又大膽談性事，成為新一代「性女」。近日波波黃靖靈發生「樓梯碌咗落去」意外，未知是否因上圍負荷太重失平衡所致，她笑指「終於明白點解自己叫波波」。
相關閱讀：「TVB咪神」波波黃婧靈中空裝晒豐滿身材 靚裙胸前X形設計更凸顯上圍
波波黃靖靈跌斷腳不忘派福利：
波波黃靖靈昨日（9日）在IG出post，她寫道：「喺條樓梯到碌咗落去，令我終於明白點解自己叫波波，喺條樓梯度爬返起身之後就搞咗隻Ironman腳返嚟，今次之後應承自己以後都唔做大蕃薯，原來腳係咁重要。」她又表示多謝大家的「早日康復」祝福，她每日都用意志力加速康復，「就算依家受咗傷都唔可以放棄，該做的還是要做，又係訓練毅力嘅時候，最後多謝每位扶過我嘅你。」
波波黃婧靈性感靚相：
網民笑指波波負荷太重
相片可見，受了傷的波波黃靖靈身穿緊身吊帶背心配短褲，豐滿的上圍非常之立體，其中一張半身相，上圍澎湃，猶如一個大U字，「波波」之名不是浪得虛名！而右腳則穿上復健鞋。郭柏妍和不少網民都有留言著她小心及保重，有網民更指「係咪因為上圍太重」、「負荷太重，失重心」、「係唔係某部份身體太重失平衡搞到咁」、「睇後生仔你話跌到，依家又跌到，乜你成日跌到㗎！」另外好友王子涵竟鬼馬留言：「跌傷咗隻腳都仲咁銷魂」，波波黃靖靈卻回覆，「咁呢個唔關跌傷事」。
波波黃靖靈灌奶補鈣
波波黃靖靈今日（10日）也在IG的限時動態連貼兩個動態，她先貼出一包藥的相片，寫上「平時病死乜藥都唔食，依家痛到我追藥食，無諗過自己都有認真戒口嘅一日，呢幾日做咗部錄音機，好痛啊！」她更向網民查詢「骨裂可以點部署」，而另一個動態竟是貼出一pack紙包牛奶的相片，她寫上「多飲牛奶，灌溉式灌鈣」，原來波波黃靖靈想以形補形。
其他文章：
Mayanne小喇叭丨波波郭珮文兩大TVB咪神正面對決 3位逼爆KOL同框討論「胸大煩惱」