巴黎奧運丨前TVB體育記者伍家謙爆獨家訪問「潛規則」 只要做一事「個位幾靚都有」
巴黎奧運的賽事進行如火如荼，各國運動員出盡力，希望在奧運舞台留下一張漂亮的成績表！今屆除了運動員的花邊新聞和賽事成為焦點外，傳媒的採訪亦受關注！前TVB體育記者伍家謙日前在FB撰長文，分享在奧運採訪的冷知識！
相關閱讀：巴黎奧運丨江旻憓憂「無眉娘」樣被全球目睹爆笑片瘋傳！HOYTV主持一舉動被批 TVB何振然獲讚
伍家謙分享奧運採訪冷知識：
世界排名第一 、有「微笑劍后」之稱的香港劍擊運動員江旻憓（Vivian）在2024巴黎奧運女子重劍個人賽中奪得金牌，賽事完結後，江旻憓接受傳媒訪問時發生小插曲，事緣HOYTV在圍訪期間，突然向江旻憓遞出耳機，希望江旻憓與直播室的同事對話，搞到在場記者無奈呆等，場面極為尷尬！事後有網民留言表示不滿，連ViuTV主持之一的丹尼爾忍不住寸爆HOYTV，指傳媒各出其謀，由場內場外都要鬥，指對方的行為是戰術，已經不是第一次有此情況！其後有網民發現有個別電視台能夠進行獨家訪問而惹起討論！前TVB體育主播的伍家謙曾經在現場採訪過兩屆奧運，為了此事撰長文「當做冷知識」分享箇中原因！
伍家謙指奧運採訪有規矩
目前在港台電視32台主持奧運節目的伍家謙說：「奧運嘅採訪，有規有矩，不得亂來。邊度可以拍片、邊度可以影相、邊度做得訪問，全部清清楚楚；有啲地方影得相唔拍得片，而齋做文字訪問嘅區域就直頭連攝錄器材都唔攞得出嚟。如果喺唔適合嘅地方拍嘢，影咗都唔出得，因為會畀國際奧委會告；輕則口頭警告，重則取消成屆嘅採訪資格。（真係發生過）！」伍家謙續說：「簡單講，一個比賽場館入面惟一合法做訪問嘅區域，叫做「混合採訪區（mixed zone），所有完成比賽嘅運動員係必需經過呢個區域先至返到入後台更衣室嘅。經過還經過，至於停唔停低答你，個選擇權就喺運動員手上。」
蔡俊彥ViuTV直播賽事旁述表現惹爭議？
伍家謙：畀錢買排位最簡單直接
伍家謙再說：「排得越前當然越著數啦，一般嚟講，排第一嘅一定係國際奧委會嘅channel，而且規定咗運動員一定要答；排第二嘅就會係主辦城市嘅個國家嘅官方電視台（例如倫敦嗰陣係BBC，北京奧運就中央台），至於之後嘅排位就開放自由競逐，畀錢最簡單直接，只要肯科水畀國際奧委會，個位幾靚都有。入面光纖電掣乜都齊，而且只有你一間專享，其他人想入都唔入得；服務同價錢成正比，所以有意買位嘅電視台會係事前plan定，邊個場館最有機會攞獎，邊個運動員一定要問到唔可以甩，先至決定畀錢買嗰個場館入面嘅mixed zone位。」
伍家謙：預算少的電視台只能早到
伍家謙續說：「至於一啲筆直（預算）少啲，又或者肯畀錢不過抽唔到嘅電視台，就只能夠叫隊crew早啲入場，希望霸到較前嘅採訪位置喇。嗰啲位一定會排喺畀咗錢嘅人後面，都真係幾後下；又因為嗰度所有記者都入得，亂起上嚟係會同打仗一樣，迫到飛起。其實行到嚟到呢度嗰陣，個運動員可能已經答咗同樣嘅問題幾十次，一般好少停低，不過，我哋嘅運動員係好好嘅，見到香港記者，幾乎一定會答。」
其他文章：
伍晃榮墳墓「移民」美國 離世16周年徒弟馮堅成伍家謙撰文懷緬
巴黎奧運丨江旻憓被封「劍擊界林志玲」！對呢位男星情有獨鍾 一原因抗拒翻睇靚相
巴黎奧運丨TVB機警主持何振然訪問江旻憓收一指令險甩轆 見證歷史哽咽忍情緒好專業