即時娛樂
2024-07-29 20:56:40
星8卦丨 「漏口」天生奸妃格专撬墙脚 遇「大婆」出招败走一身蚁无人同情
有时真系唔明点解咁多生得相貌娟好嘅女人钟意做小三，好似「漏口」好人好姐，当日出嚟有名衔、有身材仲有学识，唯一系唔识做戏，但都够一班男人争崩头。偏偏「漏口」天性要争，对人哋啲男友老公特别有兴趣，出嚟就同「花旦」争「濶少」，「花旦」虽然嫁唔到入豪门，但「濶少」始终觉得有愧于心，谂住养佢一世。
相关阅读：星8卦丨「大红」自食其力识富二代上位 被踢爆童年曾做手术雌雄莫辨
点知「漏口」摆明抢，揾相熟记者扮唔觉意撞到，「濶少」见食得唔好嘥，但冇谂到会令「花旦」冇面，终于激嬲咗「花旦」走去同高层话要封杀「漏口」，好彩高层无出手，加埋呢排真系无人用，咪放佢一条生路。
不过唔识死嘅「漏口」，最近走去搞「大哥」，贪人哋金又英伟，又唔查清楚人哋老婆「巴辣」嘅老豆系边位，由于太过高调，一向纵容老公出去食呢个食𠮶个，总之你要畀足面屋企嘅女人，但今次系「漏口」搞搞震，成日唱通街话摆平咗「大哥」，「巴辣」觉得无面，于是唔声唔声咁揾人喺佢屋企楼下收佢皮，仲要全程对付佢块面，搞到「漏口」成个月出唔到街。
更厉害今次「巴辣」叫老豆出手揾高层倾，要佢令「漏口」无得翻身，所以佢今次真系一身蚁无运行，但又冇朋友个个笑佢抵死，狐狸精梗系人见人憎啦！
其他文章：
星8卦丨「一号」恃住名气贪心狂用品牌钱 苦恋「俊型」被飞赢名
星8卦丨后生仔流行轮流食鸡唔驶负责「未够秤」玩真感情正戆居仔
星8卦丨「妹妹」误信「发姣」可以揾快钱当「经理人」无到认真忘本