193自認與林明禎合作2次應是緋聞男友 怪Edan抄髮型令別人認錯 堅持有相就認齋字唔信

ERROR成員193（郭嘉駿）與肥仔（梁業）昨日（27日）到油塘出席有關奧運的活動，193表示也有看奧運開幕儀式，自己最印象深刻的是運動員坐船出場、尾段看到很多傳奇運動員傳聖火以及熱氣球的場面，至於肥仔則笑指自己睇睇吓睡著了。肥仔表示奧運會較留意羽毛球及霹靂舞，因自已也是跳舞，至於193就指會留意籃球項目，尤其是第二屆舉辦的3人比賽，因為較刺激，也想看夢幻隊是否能贏，而他又謂小時候想做籃球員，在十多歲的時候也有向這方面目標進發，不過後來不小心發了明星夢。

提到Edan呂爵安與林明禎傳暗撻，193表示自己與林明禎合作過兩次，沒可能不傳他，他又笑言大家可能認錯Edan與自己，因對方現在的髮型跟自己很像，問到會否感到女神幻想破滅？193說：「唔好信呢啲，又冇證據，齋字冇相，有相我就認，唔好信呢啲嘢。（話佢收得好密！）真係我嚟，大家都知佢拍電影抄我髮型，我警告過佢話啲人好容易認錯，今次真係認錯！（身形爭咁遠。）唔係㗎，而家啲男明星塾好多增高鞋墊。（做咩唔早啲追女神？）又唔係個個都鍾意嘅，百貨應百客，佢未必鍾意我呢！」