《中年2》索爆人妻團激罕合體！現身老公粉絲見面會 星味十足更吸睛？
《中年好聲音2》幾位「中二生」劉威煌、譚輝智、顏米羔、梁浩賢、甘永傑、梁思傑、潘文龍及王嘉明合體組成男團「輕鬆啲」（HZD），經常開直播吸納不少粉絲，「隊長」劉威煌更透露未來還打算搞旅行團、飲食博覽等，有無限商機。所有大計仍在籌備之中，日前「輕鬆啲」八子就先舉行首個粉絲見面會，其中「太太團」現身，吸引力更大！
相關閱讀：劉威煌孖譚輝智 顏米羔等搞首隊中年男團狂搵錢 《好聲音》之友鍾意飲鹹檸七鹹出真友誼丨獨家
《中年2》男團「輕鬆啲」搞粉絲聚會有亮點？
「輕鬆啲」IG昨日（14日）貼出多張八子出席活動照片，原來他們日前在元朗一家大酒樓舉行首個粉絲聚會，筵開幾十圍，場面極度墟冚。他們發文指：「HZD『難忘一夜』！我哋8個第一次一齊同大家見面，的確係好難忘同好開心，畀住咁多靚相大家睇先。我哋當晚大家都無食過嘢，好開心係好多人要求我哋坐低食下嘢先，其實有咁嘅回應已足夠。但我哋8個當晚最想多謝嘅係一班勞苦功高嘅義工團，我哋諗法多多，但無乜點Plan，實行起上嚟嘅難度，搞到義工團好多都無食晚飯….搵日我哋睇睇安排同義工團食個下午茶之類，真係辛苦晒佢哋。我哋諗，如果人人都係咁有捨己為人嘅精神你話幾咁好呢？HZD Family，一定係輕輕鬆鬆、團結有愛！」
譚輝智靚老婆等齊現身
八子穿上黑白兩色的主題Tee示人，酒樓更特設一個T字型延伸舞台，當他們輪流在台上高歌，氣氛熱烈得像演唱會。八子大方跟大家握手合照互動，其中一位人氣王譚輝智表演時，更引來一大班粉絲上前拍片留念，場面相當熱鬧。更難得的是，很多成員的另一半都現身支持，從網上流傳的一張後台合照所見，這隊「索爆人妻團」絕對可媲美球星的WAGs（wives and girlfriends的縮寫），當中包括較常曝光的譚輝智靚老婆、劉威煌太太、梁思傑太太、甘永傑太太、梁浩賢女友等。合照中幾位WAGs全部外貌身材都不遜圈中人，而且秀外慧中。
譚輝智與家人靚相：
不過由於這張圖片尚有其他工作人員，加上王嘉明、潘文龍未有公開感情狀況，顏米羔則曾經與前鄧麗欣和顧定軒經理人結婚，兩人離婚後顏米羔稱仍未有女友，因此未能肯定是否有三人的伴侶在照片內。然而，有一點可以肯定的是，劉威煌曾指兄弟們的另一半「太輕鬆」都已成為好友，關係甚至比兄弟們更親密。
其他文章：
關嘉敏《福祿壽》上位激罕派水着福利 網民放錯重點竟求譚輝智着比堅尼