郑伊健伦敦开骚被歌迷打动3度眼湿湿 感谢低潮期获Wyman赠歌

郑伊健《HERE & NOW EKIN IN CONCERT 2024 LONDON》于当地时间7月6日晚上，在英国伦敦Eventim Apollo举行。现场仿如「大型K房」，无论他唱出冧歌《一生爱你一个》、《感激我遇见》，还是《极速》和《自动胜利Let’s Fight》等快歌，甚至《友情岁月》，全场观众都跟着大合唱。适逢开骚当日举行欧洲国家杯赛事，伊健说：「我第一次英国开骚，好难得，多谢你哋选择唔睇波，嚟睇我演唱会！」

伊健演唱多首经典作品《Beautiful Day》、《吻感》、《心照》、《发现》和《我的歌》等，都出自填词人黄伟文（Wyman）手笔，当晚他亦是座上客，伊健说：「其实佢写咗好多歌畀我，但呢首歌好特别，叫做《新歌》，我唔知大家有无听过，因为𠮶阵时我低低地潮，有新作品都未必咁多人知道。当年我睇歌词问咩系『新嘅我』？𠮶阵时理解能力有限。但今日攞返首歌出嚟，先发现首歌唔系讲我，系讲一个人生。」唱罢，伊健更被歌词感动眼湿湿，需整顿情绪后才唱出演唱会最后一首歌《Together》，他说：「做人要开心啲！」舞蹈员带埋几袋crew tee「手信」出场，与伊健一齐抛入观众席，全场兴奋站起来，非常热闹。

完场歌迷不散场，狂叫Encore后，伊健再度出场唱出《动地惊天爱恋过》，看到台下歌迷全部站起来挥动手机灯，他又再眼湿湿更一度哽咽，他说：「所有歌真系唱晒，导演叫我出嚟唱多首歌。点都好，多谢你哋，无离开，Thank You！我演唱会有个特点，就系希望大家开心，所以点都要加多只歌。希望大家开心咁离开呢个地方，记得我哋今日聚过，希望后会有期。」最后，他以《你的我》为伦敦站划上完美句号。