反黑英雄丨53歲艷星一周勁減10磅素顏演道友 企街Look吊帶小露性感不輸當年
現年53歲的艷星顏仟汶早年一度退出娛圈轉行，直至近年復出拍TVB劇，去年在《一舞傾城》飾演媽媽生「Many姐」廣受好評。最近顏仟汶在TVB劇《反黑英雄》飾演一個道友媽咪，爛撻撻的道友形象獲網友大讚入型入格！
相關閱讀：反黑英雄丨袁偉豪斷崖式衰老兼現巨腩？疑不忿被網民狂數以14字親回
顏仟汶演道友入型入格？
顏仟汶最近在《反黑英雄》飾演曾文心媽咪，也是一個道友，其中一場顏仟汶吸食混有雜質的毒品險喪命，顯得口吐白沫、極為虛弱，顏仟汶緊接說出的「賣女對白」還凸顯角色自私性格，以「極pea」狀態說：「你鍾意我個女？我1皮（1萬）賣斷畀你，1皮嫌貴？8千攞去。」不負責任兼零母愛的態度令人不齒。
顏仟汶：地下啲寒氣令我入戲
顏仟汶受訪時透露，為令角色看上去更貼近吸毒者，拍攝前刻意極速減磅：「接呢個角色時我仲係有啲肉地嘅，話明係一個吸毒者，冇理由係肥嘟嘟㗎嘛，之後用咗一個禮拜時間減咗10磅。妝容方面，第4集出場時已經係最靚女，之後嘅戲都係近乎素顏上陣，個頭隨便夾一夾就埋位。」
顏仟汶續指演「西敏寺」有一定難度：「佳導（鍾澍佳）同阿Ben（方浤酌）都唔希望我演到好似平時啲道友咁，唔想要手震、流晒鼻涕嗰啲，演起上嚟都有啲難度。」顏仟汶續指嘔白泡戲好難忘：「當日好凍，因為要不斷咁瞓喺地下度，地下嗰啲寒氣令我好容易投入到嗰場戲！」
顏仟汶做家務減肥
提到有網友讚她身形和外貌保養得宜，顏仟汶笑言：「我都54歲喇，其實身形真係難Keep嘅，因為到咗某個年紀就淨係識得肥，唔會識得瘦，所以我通常都係少食多餐，食少少唔餓就會停，唔會食得太飽或者過量。同埋我好鍾意做家務，加上我養咗幾隻貓，淨係吸塵、掃貓砂已經夠我出汗同減肥！」
顏仟汶拍過哪些艷情片？
顏仟汶做艷星被亞視解約
入行已經34年的顏仟汶，1989年從第十五期TVB電視藝員訓練班畢業，同期同學有林家棟、黃德斌、雷宇揚、劉錫明、黎芷珊和林燕明等。她於1996年離巢，兩年後轉投亞視，卻因拍攝涉及同性戀雜誌所刊登的祼露照片，遭公司解約。
顏仟汶為父籌醫藥貴拍三級片
此後顏仟汶專注在電影界發展，有指其父患病需要負擔高昂的醫藥費，顏仟汶於2000年開始拍攝多部三級片，短短4年間三級片作品超過20部，成為艷星。可惜星途暗淡，2004年她毅然退出娛樂圈，轉行做服裝買賣，又到內地登台吸金，直到4年前才返港再在幕前亮相，她於2019年客串《愛．回家之開心速遞》、翌年參演《大醬園》都是戲份不多的角色。
其他文章：
反黑英雄丨鄭啟泰現最後身影！王雁芝與未婚夫終夢中相見：怎麼突然不見了的