前J2患癌主持文颂男道出公院问题被批评!再透露护士漏派药:问几时派一次又答唔到
29岁前J2节目《不正常爱情研究所》主持文颂男(Koba)因确诊罕见癌症尤文氏肉瘤(Ewing’s Sarcoma),需要停工休养抗癌。文颂男不时于IG更新近况,日前他曾分享住公立医院的感受,道出医护人手不足问题,部份安排影响患者观感引来网民批评。文颂男昨晚(29日)在IG再分享身体状况,并透露护士有漏派药的情况。
相关阅读:29岁J2患癌主持文颂男肿瘤扩散下半身无知觉 家姐难面对坏消息:彼此心中有数
患癌文颂男更新身体状况:
文颂男椎间近盘骨附近位置有恶性肿瘤,其胞姊Hilary早前透露,文颂男肿瘤扩散,下身无知觉,更称:「将会面对甚么,彼此心中有数。」文颂男昨日在IG限时动态更新身体最新病况,他透露现时每日都尽量进食,但吃一点便有「顶住」以及想吐的感觉,更指坐起来时有胸口痛的情况:「食少少又好疲(累)要唞唞再食,来回咁样其实都好折磨,唔食又唔得,想食又食唔到……」有网民关心文颂男在医院会否太闷,他表示虽然知道不应该用医院病房内的插座为手机充电,但如果没有手机,他也不知可以做甚么,亦分享:「医院电压好唔稳定,成日充得好慢、充吓断吓。」不过认为手机充到电已经很好。
文颂男床位难看电视
此外文颂男在病房内亦可以看电视解闷:「床位有电视睇,但个视觉唔系几好,又太细声,基本都唔系好听到讲乜。不过唔紧要啦,真系要睇电视都可以用手机看。」对于有网民指:「你话闷,即系代表你都有精神,太好喇!有冇同吓同一样嘅病友倾吓偈?」文颂男回应:「冇喇,倾唔到偈喇,我依家个胸都好痛,出唔到力讲嘢,又转唔到身过去。就算我真系想同隔离床讲嘢都好难做到。」
相关阅读:J2患癌主持文颂男获梅艳芳猛料好友安排专车接送覆诊!撰文感激:明明本来唔认识我
文颂男早前曾出关回公司谈抗癌:
文颂男回应网民批评
有网民都明白文颂男精神压力大,对他说了不少支持及鼓励的说话,文颂男也有感而发:「其他人冇病冇痛同我非亲非故,的确冇咩需要理我感受或者企喺我立场上谂,都冇需要体谅我,我觉得系正常嘅。不过冇谂到讨论到出圈,有好多本身唔识我嘅都嚟批判我一番。但我自己讲嘅言论都冇咩好后悔嘅。」他表示见到有些留言指他的言论不合理,又指他蠢,不识计自己应该服多少药等,他回应:「我入院只系几日,但平时我都系自己照顾自己食药,唔会去到呢啲位都处理唔到啩。」文颂男指并非个个留言都是黑心的,作为公众人物亦有被批判的准备,不过想不到言论有如此大的回响。
相关阅读:J2患癌主持文颂男病情疑渐趋乐观?一原因遭网民怒轰:希望畀多啲空间我
文颂男呻病友叫声被批不识体谅
文颂男早前分享有位同房目测70岁的伯伯,全天候24小时不停呻吟、怪叫,抱怨换来网民批评他不体谅患者,他在IG表示:「𠮶个阿伯系好明显神智不清,不断24小时痛唔痛都叫妈咪、又叫吓阿May、有时突然唱歌、自言自语,但声量系好有中气,好似做紧舞台剧咁。而我,胸口好痛,我叫救命都冇力,系冇乜声,同埋我顶尽都系叫2个钟,真系忍受唔到,痛到要呻吟𠮶种,咁我唔系好似个阿伯咁系咪都叫24小时呀!去到后两日我都已经叫屋企带耳塞畀我,但其实戴住又瞓得好唔舒服呢。」
相关阅读:前TVB主持患癌住公院大呻似坐监?称被拖症致怪病缠身:冇钱就等死囉
文颂男补充被「禁足」细节
对于日前他指想外出散步但被「禁足」,文颂男亦再有补充:「我唔系私自走出去,仲有少少细节我冇讲到,我系问准咗护士话畀,我先出去。其实第一次想出门口行,点知保安话Call一Call控制室啦……之后话唔畀出,咁我都冇嘢好嘈,上返去再问,我讲得好清楚我系想出门口唞吓新鲜空气,想离开冷气地方一阵,佢话OK。我又再喺10楼um落去多次个保安Call完控制室又系话唔畀,所以呢吓我就嬲嬲哋(虽然其实事后我上返去都冇乜嘢咁,我都费事再出声)。」他多谢大家的鼓励,直言现时情况不乐观,「我觉得今次入院可能都系最后一次入院,都唔见得我可以挨到好耐,我亦都唔系好相信会系我身上发生,只系希望如果我可以轻松啲咁样解脱,已经系对我一年好好嘅事情。我依家只系唔想咁痛,希望可以舒服少少、快少少过完生命嘅尾声。」
相关阅读:J2患癌主持文颂男再度入院 早前获两猛人援手 怕再被骂急解释发长文原因
文颂男公开人生愿望清单:
文颂男:病到就死喇!又残、又丑
不少网民看到文颂男的言论,都担心他的情绪,怕他失去积极治疗的动力。有网民指:「加油呀,好多仔仔等紧你。」以此鼓励文颂男振作,但文颂男亦再度表现出负面心态:「讲笑咩,我依家咁嘅尊容同身体状况,仲边有人钟意,病到就死喇!又残、又丑……」更表示因外形变化不想被探望,「同埋就系公立(医院)探病好麻烦,每次限好短时段,又会限制人数,根本容许唔到咁多人嚟探我,你咪净系见到我喺度痛、摊喺度呻吟,咁有啲咩意思。」
文颂男指护士派漏药
有网民建议文颂男认真与主诊医生商讨止痛药剂量,他表示:「暂时都有倾吓嘅,咁冇办法,有时护士派药都派甩咗,应该要畀吗啡又冇畀。唔知咩原因,咁佢Skip咗𠮶次派药又要等下一轮㖞,问护士其实几时派一次又答唔到,其实我自己心中有数计到佢甩咗。之后变化又赶唔上佢调整,始终先一日都未必见到(医生)一次,每次最多讲到几句,真系好难随时因我痛,而调整到我唔痛,唯有每次希望快啲过,下次可以唔使痛。」
相关阅读:J2患癌主持文颂男进行首次电疗痛到呻吟 感激获演艺人协会联络提供协助
对于有网民建议他转到私家医院,文颂男表示曾与家人着手研究转院,但由于病情严重及复杂,所以有些难度:「一嚟未必肯收、二嚟未必有位收、三嚟系收都贵至少一倍。」他亦担心到新地方又要再检查更多东西,怕自己身体吃不消。
其他文章:
J2患癌主持文颂男专访|上月宣告治疗无效 父因情妇抛妻弃子由妈妈独力抚养成人:我对佢好愧疚