梁靖琪罕谈首段婚姻失败：系我太心急 入行20年曾被金牌监制父亲要求转行
现年41岁的梁靖琪Toby近日因《家族荣耀之继承者》再度受到关注。近日梁靖琪接受商台《星光背后》主持人梁泰来访问，，剖白无论当年以四人女子组合「女生宿舍」加入乐坛，又或是06年转投TVB拍剧，由于父母梁家树及萧笑鸣当年均是电视台高层，她一直被标签靠父荫饱受网络欺凌，同时亦罕谈首段婚姻失败。
相关阅读：佘诗曼加码晒泳照玩透视诱惑！「七魔女」斗派福利 全身「通窿」演绎中女天花板
梁靖琪父亲是谁？
节目中，梁靖琪坦言20年来面对负评居多，甚少受到称赞，今次在《家族荣耀之继承者》演Nana，令她首获观众认同外，更让她哽咽的是，她于演员生涯中首次得到爸爸梁家树认同：「我本来唔敢接呢个唔讨好嘅角色，我本身形象已经唔讨好，好惊畀人闹！其实今次新剧出街头𠮶几星期回响都好差，因为观众未睇到角色变化同层次，所以直到重头戏播之前，我都无上网睇评论，始终我而家做妈咪，唔想带着负能量照顾小朋友。最后系爸爸第一个send有人赞我嘅评论畀我睇，仲加左『叻叻』手势emoji，系人生一次，收到时好感动，谂起都想喊。」
梁靖琪首获父亲赞赏
谈及当年不理父母劝阻入行，梁靖琪指父母早已告知她会因其背景面对不少压力，至于「女生宿舍」两年便解散，梁靖琪直认：「出咗一只碟，销量反应梗唔好！好难生存。」但她势估不到2006年进入电视台拍剧，面对是非及难关更多：「 一开始是非比当歌手时更多，因为性格问题，现在已经改咗好多㗎喇。我喺外国长大，同人打招呼会讲『yo』『hey』，当时唔知太friendly原来会令人唔舒服。」
梁靖琪幸福家庭照：
及至2016年没再为TVB拍剧，梁靖琪曾任健身教练、婚礼统筹及开设公关公司，她坦言是为生活，但某程度上也因为听从父母的意见需另寻找别的发展，「之前拍剧拍到中段，畀人闹到闹埋父母，系好唔开心，觉得为乜呢？而家我有仔女就明白，最辛苦就系父母，点会有父母想听到人地长期奚落自己啲仔女？如果有人长期奚落我两个仔，我会好唔开心囉！所以我终于明白到点解佢哋中间叫我放弃拍剧，佢哋话：『你唔好做啦！揾过第二份工啦！点解你仲唔肯放手呢？』做极都唔讨好，事实系当年我未拿捏到，根本无观众缘，咁咪从中去开婚纱公司，又试下搞饮食。」
梁靖琪：拍剧真系我梦想
至于近年又重投幕前拍剧？梁靖琪说：「好钟意吖嘛，到呢刻我都好钟意！真系我梦想，而家我终于同阿仔讲，妈咪无放弃过自己梦想，如果你有梦想，都唔好轻易放弃。」
除了演戏满途荆棘，梁靖琪亦经历过两段婚姻，重提首段婚姻失败，梁靖琪说：「当时我太心急，我哋唔够了解对方，之后先知大家要嘅嘢好唔一致，所以好快分开。」离婚后数年，梁靖琪透过朋友认识现任丈夫Jonathan：「系朋友介绍，第一眼就觉佢好靓仔。刚认识𠮶阵，我搞紧一个慈善event，佢连续五日都嚟探我，两个人坐系沙滩倾计饮咖啡，之后慢慢约会发现好夹，就一齐咗。」
梁靖琪否认当年奉子成婚
梁靖琪表示与现任老公好夹：「今次系明显唔再咁急，人要长大，其实我同佢好多嘢好夹，大家都钟意动物、做运动，亦因为佢，令我信返主。」两人拍拖两年于2019年结婚，同年梁靖琪怀孕，但她否认是奉子成婚，「其实老公话有小朋友之前已经想求婚，只系先后次序唔同咗。」
其他文章：
前猛料TVB女星随星级闺密团游泰！低胸俯身晒澎湃上围 有金牌级父母自细识视帝
梁靖琪凑仔唔打扮阿佘睇唔过眼怒扯发夹 后生8年老公常被赞靓仔丨独家