75岁许绍雄唔羡慕73岁李龙基有「嫩妻」：好辛苦㗎！铭记前辈教诲勿乱媾女玩死自己丨独家

75岁许绍雄(Benz雄)于TVB剧《家族荣耀之继承者》中与陈静（Dada）演「老夫少妻」，咁啱何伯及其真爱日日都有新闻，网民乐于Follow疯狂耻笑，Benz雄觉得「何伯之乱」命中注定，更爆笑认为何伯可能钟意烦。另外，他一直对老婆呵护备至，零歪念，皆因他铭记前辈的「牛奶论」，即想饮牛奶唔一定要养只牛，去买就可以。对于相识多年73岁李龙基有「嫩妻」陪伴，Benz雄一啲都唔羡慕，更笑他「捉虫」(即自己攞嚟衰)。采访：方骞平 摄影：罗安强

75岁许绍雄好快乐，又享受工作，完全唔谂退休。

 

许绍雄有开心人生。

 

许绍雄教天下男人饮「牛奶」唔使养只牛。

 

许绍雄自称呃饭食呃咗几十年。

 

许绍雄认为前辈的「牛奶论」终身受用。

 

许绍雄在新剧中跟35岁的Dada有唔少甜蜜互动场口，老夫少妻好鬼冧猪！问到面对性感女神有冇被电晕？Benz雄答得风趣：「哎呀！我视力正常冇黄斑病，后生女个个都会望多两眼啦，不过，佢就电我唔到，我成日搞笑，只系搞到佢忍唔住笑。同后生女合作，我哋冇代沟，都OK。」

TVB剧《家族荣耀之继承者》中与陈静（Dada）演「老夫少妻」。

 

许绍雄、陈静有好多甜蜜互动场口。

 

许绍雄哄得Da Da成日笑。

 

许绍雄和Da Da冇代沟。

 

近年许绍雄戏中嘅另一半，Da Da算系最年轻一位。

 

戏中许绍雄好enjoy娶「少妻」。

 

许绍雄饰演看淡权力及名利的丘家大儿子守仁。

 

有指戏中罗嘉良比许绍雄更老貌。

 

阿佘上完契先同老婆讲

Benz雄因为佘诗曼而接拍此剧：「总监制梁家树揾我时仲度紧期，阿佘就补咗个电话嚟，话『我做你个女㖞！你仲唔答应？』咁我梗系想佢做我个女啦，我哋早已有父女嘅感觉，有啲嘢好奇妙，人与人之间要讲缘份。拍剧前，我突然向佢提出『不如我哋上契咯？』佢秒答话好！我哋契完先同老婆、囡囡讲，佢哋都赞好。」问会否担心被外间错误解读「契女」两字？Benz雄强调冇有怕，「我哋有正式上契㗎！佢系我第一个契女。哈…我哋呢啲唔系李龙基同何伯𠮶啲。」语毕，Benz雄即戴返头盔：「佢哋呢啲都系正经嘅。」

戏里戏外跟阿佘关系好好，更上埋契。

 

两人同阿佘都有对手戏。

 

拍《使徒行者》时两人已好老友。

 

阿佘49岁生日会，契爷Benz雄系席上客。

 

Benz雄爱女许惠菁及契女阿佘英文名都叫Charmaine，齐跟子华神茶聚。

 

《绝代商骄》三人组再合体！

 

饮「牛奶」唔使养只牛

讲到相识多年的李龙基，Benz雄欣赏对方好犀利，「以前拍戏同佢吹水，佢话『一晚走几场，啲钱一路系咁塞落佢个袋！』哎呀！有啲咁好命嘅人。」追问会否佩服基哥身边一直有咁多后生女？Benz雄表示对呢方面冇了解，但坦言唔系好事：「其实呢啲系苦命，好辛苦㗎！仲乜做到自己咁辛苦啫？第日见到会同佢讲『捉虫』。」Benz雄好记得年轻时，曾被前辈提点：「唔使起牛棚养牛饮牛奶咁笨，钟意饮奶可以随意去便利店买，日日饮唔同牌子都得，你话几方便呢？当然唔好乱饮牛奶啦，但要饮咪去便利店囉，『牛奶论』亦成为婚姻座右铭。」至于被全城围插的「何伯事件」，Benz雄冇话支唔支持，同样认定系命水：「命中注定怨不得！可能呢啲系佢福份，到好攰时咪要承担个攰囉，我唔系用老人家角度睇，只系觉得唔好揾啲咁复杂嘅嘢搞，明知搞落去会好烦，咁搞嚟做乜？我好懒唔好烦我，但每人性格唔同，可能何伯钟意复杂呢？」

许绍雄以「捉虫」形容73岁李龙基跟36岁王青霞的关系。

 

李龙基、Chris系「捉虫」情侣。

 

「何伯之乱」曾是城中热话，但已被网友嫌弃。

 

「何伯之乱」热度渐减。

 

何伯及新何太不停发功。

 

自称呃饭食呃咗几十年

Benz雄与新加坡籍太太龙嬿结婚32年，26岁高才生爱女许惠菁啱啱出嫁，而继子又做埋爸爸，Benz雄相当满足：「有孙女抱又多咗半边仔，𠵱家同个女及女婿一齐住，囡囡会港、星两边走，继子喺澳洲，佢哋都好孝顺。」虽然Benz雄仔大女大生活无忧，但却无意退休，他非常抗拒：「千祈唔好谂，谂𠮶个死𠮶个，做人要有寄托，𠵱家几开心，开工有钱收又有得玩，唔好做得咁辛苦咪得囉。」另外，Benz雄背景好猛料，祖先为广州4大盐商之首嘅许拜庭，太公许应骙官居一品，系慈禧太后的重臣，姑婆为中国近代作家鲁迅夫人许广平。对此，他笑说：「佢哋系劲人，我呢啲冇得比，我睇书会瞓著，睇剧本就叻。不过，又唔会有压力嘅，托赖喺演艺上呃到啲人，我成日同人讲『呃饭食几十年，求求其其又搞掂。』有时睇返啲演出，都会嫌唔够完美。」

许绍雄好锡妻女。

 

Benz雄跟老婆、女儿及女婿相处和睦。

 

Benz雄和老婆、女儿及继子睇杨千嬅演唱会。

 

演戏大半世纪的Benz雄，演艺成就获观众认同。

 

10年前许绍雄夺得「最受欢迎电视男角色」奖后，兴奋地锡司仪郑裕玲的手。

 

 

「冬舅父」Benz雄于《新絷师兄》续集中跟周润发及梁朝伟合作。

 

鲁迅长孙周令飞系Benz雄表弟。

 

Benz雄嘅「冬舅父」于《新絷师兄》深入民心。

 

跟刘青云拍《暗战》。

 

和郭晋安拍《隔世追凶》。

 

爱女许惠菁系高才生。

 

计绍雄打本畀爱女喺新加开cafe。

 

囡囡cafe在港与品牌合作，许绍雄不少好友亦有现身撑场。

 

2019年许绍雄为妻女在新加坡购4千呎屋。

 

许绍雄唔介意送物业畀爱女。

 

许绍雄囡囡和女婿。

 

许绍雄唔系呷醋外父。

 

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow