前TVB險死小生晒餅印母子照！媽媽曾傳跪求大師為子點燈續命 因怕輻射禁子遊日
34歲前TVB小生余德丞近年轉型成為KOL及電台主持，雖然離開了TVB，但曝光率也不低，除了間中上ViuTV節目，亦愛於IG分享生活。日前余德丞罕於IG分享母子照，令傳聞中被指跪求大師為兒子點燈續命的媽媽現身！
相關閱讀：前TVB小生余德丞戀情曝光？與中女繑手遊上海 女方身份猛料竟與影后有關
余德丞罕晒母子照：
於加拿大出生的余德丞，近日回加拿大探親，於IG分享在機場等候乘往多倫多的飛機。余德丞上載了在機上拍向窗外的照片，留言指：「陪阿媽上山下海，期望回程會見到北極光，點知計錯數，但個天都好靚，仲睇到簡尼入波。」余德丞又分享與媽媽到處遊覽，並在瀑布前拍攝的照片。不少網民都指余德丞與媽媽非常似樣：「兩母子餅印一樣」、「媽媽好年輕」、「Dickson同媽咪戴咗黑超好似樣，餅印一樣」。
余德丞死過翻生
余德丞2018年踢足球期間，因突發性心律不正暈倒，須即時送院搶救，心臟更一度停頓，可謂「死過翻生」。余德丞康復後復出，但工作量大減，終在2022年於劇集《青春不要臉》初嘗做男主角，但未有繼續在TVB發展，反而宣布離巢，轉型成為KOL及電台主持。余德丞離巢TVB後，曾在YouTube頻道澄清當年昏迷時，媽媽被指跪求「富豪御用風水師」為他點燈續命一事：「當時有個人出嚟話我阿媽去跪佢幫我免費點燈續命，但根本我同媽咪唔識呢個人，我哋識嘅人都冇人去搵過佢，我當時好想企出嚟，但公司認為最好嘅回應就係唔回應，最後更只係叫我答：『多謝關心，我沒有回應。』我唔明點解要咁，係啱就啱；係錯就錯，但而家咁回應，咪令其他人更多揣測，有冇諗過咁嘅決定會有影響，仲會伸延落去，以後人哋諗起我都諗起呢件事。」余德丞指自己是圈中人，早已有心理準備接受閒言閒語，但卻非常心疼媽媽要承受不實指控：「我媽咪出到去人哋會點諗佢，咁係傷害一個唔係呢行嘅人。到而家我仲可以坐喺度，好多人就覺得係因為我媽咪去點燈續命。」
相關閱讀：余德丞自爆聽阿媽話「有輻射」16年冇去日本 網民嘲似裙腳仔：而家去唔怕媽媽鬧咩
余德丞好多緋聞女友？
余德丞曾被指是「裙腳仔」
余德丞是家中獨子，而且家境富裕，被父母捧在手心成長。近年余德丞成為商台節目《口水多過浪花》主持之一，不時將媽媽掛在嘴邊引來部份網民批評他是「裙腳仔」。去年4月，余德丞曾自爆相隔十多年再到日本旅遊，而久未遊日原因是聽從媽媽叮嚀指日本有輻射而多年不再踏足日本，即被網民嘲是「媽寶」，而近來經常到日本旅行，亦被網民嘲不聽媽媽說話。
其他文章：
余德丞寒酸遊日四人叫兩碗飯遭掟碗 賞櫻偷拍情侶親密行為被轟：失禮香港人
馬季開鑼群星齊集！何艷娟密實Look暗藏機心 何雁詩撇低老公囝囝孖余德丞熱舞
緊貼最新最快新聞資訊，請立即下載星島頭條App：https://bit.ly/3Q29Vow