直播靈接觸丨梁思浩揭與黎明詩死前曾報夢告別 關寶慧見鬼次數多不勝數:有一次直頭扮我個樣
90年代玉女歌手黎明詩(Stephanie)今年3月因癌離世,終年58歲。黎明詩的離世,不少好友都感到心痛,梁思浩亦曾貼出與黎明詩的合照並說:「謝謝你對我的信任,讓我陪伴你面對最困難的日子!本來約定清邁之旅,八月我也會帶着你同行!」在昨晚(21日)播出的《直播靈接觸》,梁思浩分享了一個與黎明詩的經歷!
相關閱讀:黎明詩逝世丨梁思浩約定8月遊清邁成遺撼 痛憶好友與同性密友日常樂事
梁思浩享了一個與黎明詩的經歷:
梁思浩分享了與黎明詩的經歷
在昨晚播出的《直播靈接觸》,梁思浩邀請了「鬼后」關寶慧擔任嘉賓,梁思浩在節目上分享了一個與黎明詩的經歷,他說:「佢係28號日走,佢喺26號嚟搵我,喺夢中同我講『Spencer,拜拜喇,我走喇,你幫我照顧邊個邊個』,我醒咗之後,第一時間打畀佢屋企人,我話Stephanie走喇,佢啲屋企人都唔信,跟住隔咗兩日,佢真係走咗。」接着梁思浩又問關寶慧已故形象指導張學潤(Nel Nel)有否找過她? 關寶慧說:「Nel Nel有搵過,但係get唔到佢嘅暗示係乜嘢,剩係見到佢冇表情,問極都唔知佢想點。其實我有好多走咗嘅朋友,間唔中都有返嚟搵我,呢排都多,甚至有啲係唔知自己走咗,於是向我求救,佢知我識得師傅多,不過我都希望自己修行修得好啲,遲啲就會get到。」
關寶慧比羅蘭還要早出道做鬼后
關寶慧經常拍攝鬼片及靈異節目,比羅蘭還要早出道,談到拍靈異節目的經過,關寶慧說:「其實都係好偶然,有人問我試唔試下做,我係有呢啲經歷,我係本住我係要講真實嘅嘢,如果要我作出嚟,我係唔會做。」雖然關寶慧多番表示自己沒有陰陽眼,但她的「見鬼」的次數可謂無日無之:「我有一排係見到個人好唔開心,乜嘢都見過,我見過有人嘅樣,有一次直頭係扮我個樣,成個人係綠色,嗰次真係好驚。我另外見得最多係黑色嘅一團嘢。」
過往有不少藝人發生靈異事件:
關寶慧試過找師傅封眼
關寶慧試過找師傅封眼:「嗰陣搵法科師傅幫手,佢用佢嘅方法去做,其實唔止對眼,係成個人對嗰啲嘢都唔會有感覺,我嗰5年係好開心,係全部冇睇過,直到有一日,我要拍一部電影,喺戲入面做印傭,我有一對拖鞋好似,咪拎嚟做私伙。」本來一直相安無事,但有一日發現竟然穿不上:我拎對拖鞋對一對,其中一隻明顯細咗一個碼。」請教張芯熏師傅後發現,原來有一隻女鬼寄存在鞋內,最後由師傅請走。
其他文章:
直播靈接觸丨「波霸」葉子楣傳因拜狐仙令男士瘋魔?曾有靈異遭遇靠呢樣嘢化解
直播靈接觸丨天后級女歌星預視「世紀火災」現場?多年後電台訪問還原事實真相
直播靈接觸丨75歲顏國樑患癌昏迷遇靈異事險踏鬼門關?太太做一事為夫續命
直播靈接觸丨新馬師曾報夢做媒人? 鄧兆尊三奶被硬銷:佢都唔係我鍾意嘅款
黎明詩逝世丨關寶慧晒合照悼念好友:明明見到你康復的,為何又突然這樣呢?
——————————–
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
緊貼最新最快新聞資訊,請立即下載星島頭條App:https://bit.ly/3Q29Vow
由即日起至5月27日,參加《星島申訴王》「港人置業意向」問卷調查,即有機會贏走香港迪士尼樂園門票2張或SMARTECH智能煮食鍋! https://bit.ly/3V7t3o7