東張西望丨何伯斥仔女「冇養過我」!何太爆老公對亡妻好闊綽:仲多首飾過我
今晚(15日)TVB節目《東張西望》繼續訪問何伯及何太,事件發酵至此,全因當日何伯與何太向《東張西望》報料,指何伯細女擅自取走聯名戶口內的450萬元。今日較早時,疑似何伯的大仔於facebook群組「何伯&何伯老婆關注組」發聲,指450萬元非何伯所指全由何伯賺取,而是亡母「死慳死抵同佢捱返嚟」。今晚何伯隔空反擊子女,更再度留下重話:「冇養過我!」
相關閱讀:東張西望丨何太稱被前夫家暴有陰影!突發毒誓「以後搵唔到錢」 何伯靠一人查清老婆底細
東張西望丨何伯反擊子女,何太嚎哭?
何伯與何太因於《東張西望》受訪而廣受批評,不少人認為何太是貪圖何伯的錢財,更批評她在節目中大晒何伯送她的珠寶,何太表示展示老公送她的珠寶只是想表達何伯有多愛她,「因為我知我老公咁愛錫我,我幸福呀嘛!」更指何伯在前何太在生時,都送很多珠寶給前何太:「我先生對佢前妻仲比我好,仲多首飾過我,而家啲首飾喺佢細女保險箱。」
相關閱讀:東張西望丨何伯大仔疑發聲!斥父不曾送貴重物給亡母 450萬非全由父賺取:阿媽同佢捱返嚟
何伯斥子女:一個錢都冇幫手搵
何伯連日有訪問片段播出,疑似子女只在網上發聲,但在《東張西望》中卻不願接來電,即使何伯成功打通女婿電話,但最對方接聽後都即時Cut線。對於疑似何伯的子女在facebook群組「何伯&何伯老婆關注組」發聲,指戶口中有部份錢是子女給何伯的家用,而且已故何太亦有份幫何伯儲錢,何伯表示:「佢哋一個錢都冇幫手搵,佢哋一個幾毫全部都冇存入銀行嗰度。細個嗰時由我養大,供書教學,佢幾時有養過老竇,冇養過我。嗰啲係我獨身一個……係我血汗錢嚟,佢哋一個仙都冇存入銀行。」何太則回應疑似何伯子女指要向她追討何伯送她的禮物,何太表示:「追到㗎咩?我哋結婚收禮物,佢有咩資格去追討我呢?」何伯更指無需子女養他,反指如果子女沒有取走他450萬元積蓄,他便可自己生活,何太認為老公有自由選擇自己的生活。
相關閱讀:這10位女星竟與何太同為43歲!陳茵媺身材Fit到漏 視帝老婆被封「最索人妻」
東張西望丨何太大晒流星錘大龍鳳鈪!
何太賣流星錘龍鳳鈪倒蝕2萬元
由於需要生活費,何伯又被子女取走積蓄,因此何太決定賣掉之前何伯送她的流星錘龍鳳鈪。據之前何太所指,這對龍鳳鈪接近4両,當時以10萬元購入,是何伯與她的定情信物,如今賣掉這對龍鳳鈪,更虧蝕2萬元。雖然現時要捱窮,但何太表示:「我點都支持佢,就算佢瞓街我都同佢一齊,我到呢一刻唔撐佢,我都唔係人啦!」
何太再度爆喊:好慘呀
何太再度於鏡頭前落淚呻「好慘」,何伯見到愛妻落淚都激動起來,再罵取走450萬元的細女,何伯表示:「佢簡直冇人性,喺街千祈唔好話係我啲仔女,千祈唔好講呀!我衰唔起呀!」而何伯亦多番安慰落淚的何太:「唔好喊,唔好理咁多,要撐得住呀!我哋一直撐落去,等出面踩我哋啲人咪睇得到囉!」何太邊哭邊表示:「出面啲網民唔只唔覺得佢啲仔女錯,仲攻擊我哋!佢真係好需要人理解㗎!」
其他文章:
東張西望丨盤點何伯何太15大金句!何伯對何太一見鍾情:我留返自己用
東張西望丨76歲老翁搭上43歲內地婦火速再婚 與五子女反目450萬存款不翼而飛?
東張西望丨76歲老翁被子女棒打鴛鴦以死抗議?內地妻承諾養家 何伯:冇娶錯老婆
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
緊貼最新最快新聞資訊,請立即下載星島頭條App:https://bit.ly/3Q29Vow