东张西望丨何伯自认清醒「边个女人呃我,我一定睇得通」 何太强调注重名声:邪不能胜正
早前TVB节目《东张西望》因访问发展忘年恋的何伯夫妇掀起全城热话,早前《东张西望》已预告何伯夫妇将会再度受访,引来全城期待。不过观众本以为昨晚(12日)《东张西望》会见到何伯夫妇现身,最终何伯夫妇只出现在预告环节,令网民大失所望。而今晚(13日)何伯夫妇终于现身,再度受访一一反击外界批评及质疑。
相关阅读:东张西望丨「东张女神」玩剧透!向大湾区网民预告何伯访问好精彩:今晚唔播就反枱
东张西望丨何伯夫妇再度受访:
何伯早前为相识3个月就再婚的妻子与5名子女反目,细女更疑因防止后母用何伯的积蓄做生意,因而抢先女将联名户口中的450万元取走,引起何伯夫妇不满并于《东张西望》大控诉。不过节目播出后,不少网民都认为何太新婚时,已提出想何伯拿出100万元给她做生意,质疑何太贪财,对何伯并非真爱,网民更群起力撑何伯的子女。今晚何伯夫妇受访,何太在镜头前重申自己地位:「我名正言顺,成为咗合法夫妻嘅话,佢哋就冇咗继承权。」何伯与何太枪口一致对外,认定何伯的子女贪图何伯的家产。
相关阅读:东张西望丨何伯夫妇无影网民劲失望!释出新预告何太再示爱 何伯认定子女争遗产
何伯Man爆护妻:我当佢哋疯狗
何伯指近日与太太都有关注外界批评他们的言论,何太更指看批评她的留言看到凌晨,何太指:「对我不怀好意先会咁样踩我。」何伯更指非常心疼太太被骂:「我爱锡我老婆㗎嘛,你咁样闹法,我真系好心痛。」但面对批评,二人更齐心,何太表示:「当有个好人出嚟讲句公道说话又畀人打击咁,又闹人哋系咪一伙,质疑佢系𠮶个18岁嘅仔,又或者你系咪𠮶个肥大陆婆呀!」何伯Man爆护妻:「攻击我哋𠮶啲人,我当佢哋疯狗。」
何伯再狠批子女贪财
何伯指批评他们的人并不了解他的家事,又再于镜头前狠批子女贪财:「佢哋(网民)信晒𠮶班反派,𠮶5个忤逆仔女,我真系唔会嬲,我嬲……我爆血管啦!佢哋唔识……佢哋唔理解,佢哋知唔知我细女卷走晒我啲钱呢?」对于子女不支持他再婚,他表示:「我带错咗佢哋嚟呢个世界,点知佢哋个心咁,攞晒我啲钱走,想我死!根本想我死!咁就佢哋分囉,佢哋5个分囉,450万,每人分到90万,个个袋袋平安囉!」何太指即使何伯娶的是其他女人,子女一样会反对,因为认为他们只看重何伯的家产,何太指:「佢娶个女人唔系我,佢哋一样反对,你信唔信?因为为咗继承权囉!因为我名正言顺,成为咗合法夫妻嘅话,佢哋就冇咗继承权,所以佢哋咪先落手为强,卷走晒我老公啲钱,等我老公一分钱伙食都冇。」
相关阅读:东张西望丨网上疯传何太三大背景!疑三度结婚 传避走内地狂呻被抹黑
东张西望丨何伯夫妇多番被「捕获」?
何太有骨气拒典当靓表
虽然现时何伯储蓄只剩4200元,但有骨气的何太为了不令人觉得她为钱而嫁何伯,她出私己钱养起老公,就连老公叫她将手表典当,她亦拒绝。何太表示如果她将何伯的手表典当,何伯子女一定会认定她是骗子:「我顶唔顺呀!因为我系好注重名声嘅人!邪不能胜正!我哋为人正直!我哋会坚持走正确的路。」
相关阅读:东张西望丨何伯夫妇「全副武装」逛街市共度患难不忘煲汤? 网民关心边个畀钱
何伯夫妻谈生意大计
不少网民认为何太想何伯拿出100万元做生意,因此质疑何太的为人,二人解释本打算用100万元做饮食生意,何伯表示:「生意有大做大,有细做细。」何太心有不甘表示:「又话我呃佢钱,又话我会袋𠮶100万落袋,就唔会去创业做生意。」说到何时开始有做生意的念头,何太表示:「我哋价值观系一样嘅!我都会锡住我老公啲钱,首先攞100万出嚟先,即系就住就住开支囉!睇吓开唔开到档。我都想赚多啲钱返嚟同佢一齐享受。」何伯指因为有感何太仍然年轻,打算让她做饮食生意:「我就紧系想个老婆生活过得好啲啦,生意做得落去咁佢就唔使忧。」何伯亦坦言有心理准备会亏钱,只是想以100万元来当试金石。何伯指钱是他赚的,而且非常清醒,不如外界以为他很好骗,更反指银行跟细女串通,将他户口内的钱调走。何伯对于外界指女儿是想为他保管积蓄,他反指别人不知内情,「如果保管到我死,咁我点做生意呀,我仲想上大陆发展添!我想上珠海发展!」
相关阅读:东张西望丨何伯内地妻镜头前后语气大不同? 激动插嘴纠正老公用词引热议
东张西望丨何伯再婚故事:
何太:佢哋太肤浅
对于外界质疑何太看上何伯甚么、认定她是贪钱的女人,何太表示:「佢哋太肤浅啦!我咪钟意佢爱锡我,我觉得幸福囉!佢几舍得呀,又送呢啲(珠宝),试问有边个女人唔希望揾到个爱锡自己嘅老公?唔通我老公爱锡我都有罪 ?都要畀啲世人用唔好𠮶啲眼光睇佢?应该羡慕我先生先啱!女网民应该羡慕我有个老公锡我先啱,唔系咁样攻击我哋,话我呃佢钱,我从来唔呃人一分一毫。」何伯亦自信表示:「根本我就挑通眼眉,边个女人呃我,我一定睇得通。我10几岁嚟香港,我跑过江湖,我知㗎!我认为佢老实,靠得住,咁咪娶佢。」何太指:「就算我老公90岁、100岁,佢都系锡我,我一样系爱佢。我份人好简单,我唔理佢年龄几大,总之佢识得受锡我就得。点解要当人哋猎物呀,我当佢系宝,好唔好?呀……啲人真系奇怪!」
相关阅读:东张西望丨何伯老婆疑似Hermès袋要价逾百万真假难分? 类似款劳力士超多名人追捧
何太闻儿子的话悲从中来
对于有网民对何太说:「贪到何伯啲钱,因住冇命享。」何太表示曾对儿子说:「何伯已经冇钱」,更一度悲从中来:「佢临老过唔到世,好凄凉,我囝囝就话『我唔读书,我出去揾嘢做赚钱,返嚟养阿叔』,我好感动。」何太被主持梁敏巧问到如果450万拿不回来,会否打工养家,她表示:「我一定会谂到生存的方法,我老公唔畀我自己出去打工,无论我而家去边,我都会带住佢。我或者返大陆摆个地摊档,喺街边煎牛扒畀人食我都会带埋佢。」向何伯许下承诺,二人一同面对往后的路。
其他文章:
疑似何伯夫妇回港上《东张西望》再控诉?阮兆祥「神复制」新何太激似度99%超爆笑
东张西望丨76岁老翁搭上43岁内地妇火速再婚 与五子女反目450万存款不翼而飞?
东张西望丨疑似何伯夫妇茶记撑枱脚!老夫服侍少妻示范越难越爱 网民:有情饮水饱
《星岛申诉王》推出全新项目「我要赞佢」栏目,现诚邀市民投稿赞扬身边好人好事,共建更有爱社区。立即「我要赞佢」︰https://bit.ly/3uJ3yyF
想睇更多精彩内容,请立即浏览「区区有申诉」活动专页,https://bit.ly/41hgS9E
紧贴最新最快新闻资讯,请立即下载星岛头条App:https://bit.ly/3Q29Vow