前兒童組合Cream成軍20周年激罕合體 李蘊孖兩隊友開Live女大十八變
現年32歲的前香港兒童組合Cream成員李蘊(Renee)早於2004年以12歲之齡出道,2015年嫁內地圈外男友羅章冠後移居廣州,先後為丈夫誕下一女一子。李蘊婚後過着少奶奶生活,閒時亦會在社交網分享湊仔日常,適逢今年是Cream成軍20周年,她周四(11日)晚就激罕約昔日兩位隊友盧嘉寶(Carpo)和陳曉彤(Hilda)於IG開直播慶祝,令粉絲大感驚喜!
相關閱讀:央視春晚丨李蘊舊愛劉謙魔術疑失手逐格睇!含淚離開舞台:可能再也參加不了
組合Cream激罕合體:
現已「三字頭」的盧嘉寶Carpo和陳曉彤Hilda,早年分別移民加拿大和愛爾蘭,昨晚兩人聯同李蘊一起開Live,三女齊聲說:「大家好,我哋係Cream!」勾起不少網民回憶,不過她們卻大感尷尬。談到昔日出道難忘事,陳曉彤Hilda說:「之前幫許冠傑做咁多場演唱會嘉賓,幾乎每日放學就去紅館,真係好難忘。」盧嘉寶Carpo表示,最記得在梅艷芳紀念騷獻唱《夢伴》,當時三人還找已故藝人沈殿霞(肥姐)、劉德華、Twins及S.H.E等合照,李蘊則謂:「有次去內地一個頒獎禮,我哋玩捉迷藏,一下子拍埋廁所門夾爆咗我隻手指,之後仲要上台打鼓。」
李蘊闊太生活:
盧嘉寶Carpo移民加拿大
被問到解散原因?她們表示好複雜亦很多原因,主要是發展方向不同,況且出過專輯又開過演唱會,也覺得是時候轉換方向,李蘊說:「如果唔解散,佢哋讀書就冇咁叻啦,專注讀書先咁有成就,所以讀書好重要!」直播中,身在外地的31歲盧嘉寶Carpo和30歲陳曉彤Hilda又分享近況,前者透露在加拿大生活穩定,偶爾親親大自然,亦有繼續創作歌曲:「呢個係我永遠興趣走唔甩,所以得閒做下音樂,娛己為主。」
陳曉彤Hilda成兩孩之母
至於陳曉彤Hilda在Cream解散後到愛爾蘭讀音樂,並取得科克音樂學院一等榮譽學位,婚後育有一子一女,她說:「我啱啱生完細仔四個月,而家都係主要做音樂學校啲嘢,唔係咩咁大件事,唔係大家諗到咁叻。」對於網友追問感情狀況,盧嘉寶Carpo說:「(有)着落咗好耐喇!」
其他文章:
32歲李蘊鬼馬挖空泳裝浸溫泉 玩濕身誘惑提醒天氣轉涼要着多件衫
32歲李蘊穿性感泳裝曝光神秘位置紋身 定居廣州住5千呎獨立屋
G.E.M.鄧紫棋廣州演唱會兩閨密久違合體 何超蓮李蘊一互動粉絲激動
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E