陳子聰回歸遭隊員爆粗鬧乞人憎? 滴酒不沾食得清淡:經歷過嗰啲階段會好感恩生命
賭王千金何超儀(何超)的老公陳子聰在2022年於澳洲探親時,因粗活引致大動脈撕裂,病情相當危險,何超儀為照顧全面停工,幸好經過近兩年漫長治療及多次手術,終於康復過來,昨晚(3日)重返其殿堂級Hip Hop組合廿四味在西九進行演出,陳子聰坦言:「經歷過嗰啲階段,會好感恩生命。」
相關閱讀:陳子聰大動脈撕裂康復重登舞台!興奮落力演出 老婆何超儀撐拐杖支持
陳子聰演出完心情勁high:
陳子聰上台演出隊員爆粗
Hip Hop組合廿四味演出過後受訪,已有3、4年沒上台演出的陳子聰表示好開心:「因為有機會上台真係好感謝好感謝。(覺得緊張?)少少,台下觀眾反應好癲。」廿四味的成員也感激台下觀眾,更大讚他們是第一,又指今次唱得不夠喉,問到綵排了多久?他們笑言一日。對於陳子聰歸隊是否很開心?他們開心到爆粗說:「開心到X街,睇到佢行到街可以一齊食飯已經開心到X街,跟住佢同我哋講話一齊上台,真係好驚喜。」而陳子聰笑言行得食得瞓得後已想做騷,日後也希望能多作演出。
陳子聰被問看見隊友在台上飲啤酒是否心郁?陳子聰說:「我2016到而家都冇飲過酒,嗰陣已經飲夠喇,而家係食得好清淡,經歷過嗰啲階段,會好感恩生命。」問到下月是否會去美國關造口?陳子聰即笑問:「我老婆講㗎?」廿四味又希望全香港人可以再給予多點正能量給陳子聰,陳子聰即指在香港好多愛:「喺街度又好、邊度都好,有人嚟祝福我身體健康,就咁行街已經feel到愛。」至於今晚上台表演,太太何超是否最開心?陳子聰說:「開心,有得睇live show已經好幸運,lucky to be here.」陳子聰亦透露還有一些手術要做,但要逐步來,隊員就笑指陳子聰很乞人憎,因他「點都咁靚仔」,早前何超在訪問中分享兩人的故事感動了很多人,問陳子聰是否也想分享自己的經歷?他說:「順其自然,有機會咪講囉。」
陳子聰重登舞台公開身體狀態?
何超稱因悉心照顧老公「咪咁靚仔」
何超昨晚也有到場睇騷,受訪時表示超開心,與老公也很感謝香港人。何超指香港已很久沒搞過那麼大型的搖滾音樂節,自己是負責「吹雞」叫朋友來參與,下次也一定會叫老公,因他是鐵腳,再問老公表現如何?何超說:「佢表現好好,身體仲好過我。(畀老公幾多分?)我畀100分!」何超之後又冧爆地指老公今晚係好有型,又表示自已提議他把頭髮放下,身穿的外套也是自己叫他買的,因顏色夠搶鏡。
對於陳子聰表示很感激香港人,何超說:「係,因為香港人畀佢好多祝福,佢病嗰陣除咗打電話叫朋友給予多啲祝福都冇咩可以做,街上亦有好多人送祝福,我哋好鍾意大家嘅祝福,因為冇得同個天鬥,個天應該睇住咁多人送祝福嘅份上會覺得『好啦,唔好整蠱佢』。」至於日後是否有機會與老公同台合作,何超指也可找一次跟廿四味一起錄歌。
提到老公被隊友讚靚仔,問到是否因有她悉心照料的關係?何超說:「冇錯,我緊張佢,佢咪咁靚仔囉,佢本身天生冇可能醜樣的人,睇佢骨架就已經講完啦。」何超透露陳子聰現時每星期也要做四次物理治療,但他的體能仍很好,而自己的腳傷應該約六個星期後會好返。
何超前晚打頭陣演出:
吳浩康稱得到前所未有的重視和尊重
另一方面, 吳浩康(Deep)做主音的樂隊Closer亦有份演出,吳浩康表示今次唱得很過癮,亦多謝何超給予機會,又大讚無論開騷及綵排時,得到前所未有的重視和尊重。吳浩康指每次開騷時都會與兄弟有不同合作,而今年就會先主力造歌:「幾兄弟會攞錢出嚟做歌,而家同以前有啲唔同,我哋4個成員都有獨立經濟能力,冇咁難捱,而家有少少公餘時間想做自己想做嘅工作,多個乜都唔做捱肚餓去追夢,希望可以做多幾隻碟,延續性大啲,希望唔同年紀嘅觀眾都會鍾意。」
同場嘅盧巧音現身為樂迷帶驚喜,除外套更搞到熱血沸騰:「咁耐冇見大家咪除吓囉(再性感啲?)夠啦,問吓Sammy先啦!」而KOLOR即將舉行巡演,更計劃去英國放假:「好多朋友喺英國,可能邀請啲朋友陪我地跑步做運動,了解吓大家啲文化。下年我哋20周年,會出威士忌紀念版,應該會搞演唱會慶祝。」
其他文章:
爆谷一周︱何超儀向陳子聰隱瞞病情未知多嚴重 頻演妓女爸爸何鴻燊有怨言
陳子聰重病後首發聲!何超儀罕談老公病況「一肚都是血」 險切腳終身駁尿袋
———————————
《星島申訴王》一周年生日送大禮,正舉行問卷調查,參加者有機會獲得足金串飾、Rasonic 電飯煲、英皇電影禮券及一田超市現金券,點擊答問題贏大獎:https://bit.ly/3P4s70j
《星島申訴王》已推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E