TVB前女星梁嘉琪自爆被圈中前輩撩上房 網民憑兩線索推測「男主角」:奧運六子?
現年42歲的梁嘉琪於2020年離巢TVB後,重返有線旗下的HOY TV為《一線搜查》擔任主持,去年3月起又跟森美、小儀主持商台903節目《早霸王》,日前她在節目中就大爆曾被圈中前輩撩上房,令全場譁然!
相關閱讀:梁嘉琪透視魚網衫驚現黑色神秘三角 嚇親森美小儀:尷尬過裸露!
梁嘉琪自揭被前輩撩上房過程:
在《早霸王》中談到曾經歷事業低潮期,梁嘉琪表示當時獲一位熱心前輩雪中送炭,更以想給予一些意見為由請她去飯局,她因感到徬徨,加上覺得對方能幫忙解決問題,於是決定赴約,怎料該前輩漸漸露出真面目。梁嘉琪指,該前輩認為她狀況不佳,故主動提出接載她回家,途中兩人去了沙灘,她憶述:「佢送咗條水晶頸鍊畀我,佢同我講你而家有咩沮喪都好,你唔好放棄,望住呢條頸鍊…」
梁嘉琪揭前輩名草有主
森美聞言已覺得「過份咗」,惟好戲在後頭,梁嘉琪續指該前輩竟約她上酒店房,當時對方說:「我喺嗰面book咗間房,今晚我陪你,我陪你傾偈…」心水清的梁嘉琪即果斷拒絕:「我同佢講:『我都好鍾意你女朋友XXX』,因為我要畀佢知我知佢有女朋友,但佢就話『哦,係呀』。」最後她急急腳回車上拿手袋離開,並向對方禮貌道謝:「多謝你今日陪伴,我冇事啦。」
梁嘉琪更多靚相:
梁嘉琪畀錯Signal惹誤會?
不過,森美和小儀均認為梁嘉琪答允行沙灘,是「畀錯Signal」才令對方誤會,前者更嘲諷梁嘉琪:「我覺得佢唔係睇中你美色,我對你評價好低,我唔相信。」梁嘉琪則謂,若大家知道「男主角」身份會更難接受。對此,有連登仔即開Po競猜誰是最大「嫌疑犯」,有人推測是《學警狙擊》時期,事關當時梁嘉琪一度被狠批演技和外貌:「九成九係佢《學警狙擊》嗰期」、「譚仔定單手爬山?」、「係咪學警衝動王?」、「奧運六子其中一件?」。
有線主播出身的梁嘉琪於2007年轉投TVB,其後憑劇集《學警狙擊》而為人熟悉,亦曾於《老表,你好hea!》與舊愛張繼聰合作,當時二人坦承拍過5年拖,入行前已分手,但再見亦是朋友。後來梁嘉琪主力於主持工作,曾與麥美恩、張秀文及湯洛雯等主持資訊節目《學是學非》,憑「是非精」的搞笑形象入屋。
其他文章:
MIRROR成員靚仔擔當 Frankie搞到小儀梁嘉琪變花癡
《星島申訴王》一周年生日送大禮,正舉行問卷調查,參加者有機會獲得足金串飾、Rasonic 電飯煲、英皇電影禮券及一田超市現金券,點擊答問題贏大獎:https://bit.ly/3P4s70j
《星島申訴王》已推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E