黃心穎父逝世｜黃心美憶亡父點滴罕談「安心」低潮 疑辦妥後事三姊飛日本會家人
黃心穎的中醫父親黃沛霖上周四（14日）被爆離世，享年75歲。翌日（15日），二姊黃心妙一家五口出發日本東京玩足超過一星期，其間因頻頻性感打扮晒身材惹負評，原來任職空姐的三姊黃心慧亦有同行。而昨日（20日）終蒲頭的大家姐黃心美（Scarlett），近日則接受媒體訪問細訴與爸爸生前點滴，並罕談經歷「安心事件」的低潮。
【相關閱讀】：黃心穎父逝世丨大家姐黃心美終蒲頭禍不單行 二姊黃心妙遊日風騷晒腿引爭議
【點擊睇黃心美談亡父及黃心穎】：
二姊黃心妙連日於社交網「洗版式」晒遊日照，今午（21日）她再貼出新一輯相，透露胞妹黃心慧已飛抵輕井澤會合大家，並打趣道：「阿妹返溫哥華前之日本短聚，第一站居然係去買包，而唔係去買包包。」相中所見，化淡妝的黃心慧穿黑色上衣、牛仔褲襯波鞋，打扮樸素，兩姊妹來到當地人氣麵包店掃貨，熱愛打卡的黃心妙不忘於舖外盡情狂影。隨後，一行人又到零下2度的草津溫泉遊覽，難得包到冚的黃心妙攬實妹妹合照，姊妹情深，她寫道：「與妹同行，珍惜每一個相聚的時光。」估計父親黃沛霖的後事已辦妥，黃心慧才安心於稍後飛回加拿大。
黃心美爸爸暴瘦愛犬連環出事
談到爸爸約兩年前突然暴瘦，大家姐黃心美未有透露病情，只說因疫情關係未能日日陪對方進出診所醫治腳傷，於是黃爸爸搬去跟她一起住，由她負責洗傷口、照顧起居飲食，數月後終奇蹟地康復，未料兩隻愛犬先後出事，一隻因癌離世、一隻疑患腦炎或腦抽筋。一波未平一波又起，黃爸爸最近亦與世長辭，黃心美哽咽道：「爸爸走之前嗰日都仲撐住身體，我睇住佢幫病人把脈、針灸，爸爸對我哋四個女、媽媽係一個好負責任嘅爸爸，對病人亦係一個好負責任嘅醫生。」
黃心美在連環打擊下變得堅強，指凡事從另一角度去看都有好處，又指妹妹黃心穎現時亦信因果：「佢明白條數借唔借，都係還得到先好借，我諗佢自己都上咗一課。其實爸爸走咗都係好，有機會畀我盡孝，我有一段長時間同爸爸生活、照顧佢。」
【點擊睇黃心穎二姊黃心妙性感遊日】：
黃心美望妹妹黃心穎活得善良
經歷摯親生離死別後，黃心美認為一切都很渺小，回憶4年多前黃心穎爆出「安心事件」一度避走美國，令她受牽連被傳媒追訪，甚至失去許多工作機會，黃心美坦言當時很怕面對記者，亦不明自己為何跟事件扯上關係：「每一次我出嚟面對記者嘅時候，我唔知道會問乜嘢，亦唔會同妹妹傾見記者要點答，我唔知點樣答，我唔係佢。」但她並不覺得被妹妹拖累，皆因對方當選港姐後，帶挈她工作與知名度提升：「你唔可以輸打贏要，佢係我個妹，冇拖唔拖累，亦冇覺得好委屈。」
在低潮期間，黃心美有很長一段時間過得不好，更收埋自己不見朋友，後來她將重心投放家庭中，還開始唸經、參加法會、茹素等，直到妹妹黃心穎復出兼結婚後，黃心美亦終於走出陰霾，她說：「我妹做錯事，嗰個果佢已經承受咗，希望佢以後活得善良到一個點，係咁不停播啲善嘅種子，希望大家唔好搞到佢好似連呼吸都有錯，畀佢好好咁過日子。」