頭條戲場丨《自由之聲》向所有勇敢又善良的人致敬
電影改編自前美國聯邦探員Tim Ballard(Jim Caviezel飾)的親身經歷,在一次追查販賣兒童案件中,成功從性販賣人口的禽獸手中,救出被綁架的男童,得知其姐姐同樣受害,因為使命感,Tim決定辭職連退休金都唔要,違抗上級命令去營救,因為真實所以恐怖,任意剝奪兒童正常成長機會,並變成商品謀利的人應該要落一億次地獄。所有人都不應活在恐懼中,希望全球數百萬失蹤兒童都能早日重獲自由。(上映中)撰文:廖思慧
販賣兒童是世界上增長最快嘅國際犯罪網絡,已超越軍火交易,預計亦將超越毒品交易,一日可以賣5至10個小朋友。根據「美國國家兒童失蹤與受虐兒童援助中心」統計,每年大約有35萬名兒童失蹤,當中有10萬名被販賣,供有特殊癖好之人作特別用途,這個恐怖的「人蛇產業鏈」年產值約為1500億美金,多到港幣都計唔到有幾多,而美國更是兒童性販賣的最大消費國家之一。
祝福所有好人
因為崩口人忌崩口碗,電影拍畢後慘被攻擊而被迫雪藏5年,最後呢套成本1450萬美元(1億1仟萬港幣)的獨立電影,憑住大量好評,及正義之士的推波助瀾,勁收超過1.8億美元票房(約14億港幣),超越《職業特工隊7》榮登美國年度總票房第十位。戲外估佢唔到,戲內亦一樣。《自由之聲》屬驚悚動作傳記片,講述Tim Ballard 如何深入虎穴救細路,以及說服老婆及有心人支持自己的營救大行動。
導演將販賣兒童的絕密犯罪過程搬上大銀幕,唔可以話好震撼,但相當陰公,一個幾歲小朋友一晚可交易5至10次,由於只希望電影能提醒所有人重視販賣兒童問題,所有會令觀眾不安鏡頭都輕輕帶過。全片劇情緊湊,睇到咬牙切齒兼眼濕濕,童星演技到位,世界上真係有太多魔鬼,做父母真係要好好睇住小朋友。
《星島頭條》新網站有更多精彩內容:http://www.stheadline.com/