新聞女王丨龔慈恩改柔弱形象爆seed演出好驚喜 大耍手段玩棉裡針感恩拍檔配合
TVB台慶劇集《新聞女王》推出以來成功引起追劇潮,故事兼角色人物引起網民極高的關注度,劇中女角不顧着談情說愛,為求上位人人出盡全力去爭,「Man姐」佘詩曼霸氣登場,與「梁景仁」馬國明大玩辦公室政治,當然令觀眾睇得過癮,不過佘詩曼的老闆娘「方太」龔慈恩,氣場出佘詩曼還要厲害!
【相關閱讀】:《新聞女王》多達15位前港姐參演!一女角資深程度僅次佘詩曼 XX年佳麗比例最高
【點擊睇龔慈恩《新聞女王》霸氣演出】:
龔慈恩飾演的「方太」是電視台的老闆,雖然表面上與一般闊太無異,閒時約腳打麻雀兼行竹行shopping,但實際上她一直處心積累在幕後操控,「飛爺」鄧智堅充當傀儡執行她的指令,前期佘詩曼扭計玩請辭,龔慈恩出招令同行沒有人敢請佘詩曼,最後佘詩曼成功為消防處洗白,才令龔慈恩允許留下!近日在內地播出的第十三集,因為電視台發生性騷擾,不單令股價大跌,而且令電視台形受損,龔慈恩終於忍不住爆seed,她狂轟鄧智堅處事失當,佘詩曼亦不惜減薪兼提出解決方法!
【點擊睇龔慈恩靚相】:
近年龔慈恩演出的角色偏向「輕柔賢淑」一面,今次難得可以爆seed晒演技,不少網民留言讚好,龔慈恩今日(30日)接受《星島頭條》訪問,對於今次飾演「方太」一角,她說:「呢個角色當然好玩,最主要梗係劇本好、同埋成個故事角色都好立體,同埋佢好多時都喺啲key point度出現,會扭咗某啲形勢,講嘅時候好多未必係一啲表面嘅說話,我都試過有場戲,第一次睇劇本嘅感覺,同之後睇埋前前後後嘅故事,都完全唔係嗰回事,所以有機會接到呢個角色,係好開心嘅一件事。」龔慈恩還說:「我有段時間係做啲比較柔弱嘅角色,今次監製同我講,想有一種棉裡針嘅感覺,其實淨係唔係靠我去做,仲有劇本同埋其他演員去做,有佢哋幫忙都好緊要、有陣時好惡咁喺度鬧,如果其他演員冇乜反應,係唔會有威嚴呢件事,所以要好多謝其他拍擋,成就咗呢個感覺出嚟。」在劇中,「方太」經常在麻雀枱暗示職場生存之道,又試過出動「投名狀」,龔慈恩笑說:「喺戲入面我對住大部份人都會保持儀態,唯獨係對飛爺,因為佢係自己人,所以佢會睇到我最真嘅人面,不過好多嘢係正有負,好人性化嘅角色。」