星級YouTuber夫婦美食廣場拍片老公一舉動惹不滿 網民揪出嫌疑夫婦：拍片大晒？
近年有不少藝人轉戰社交平台，有人選擇在YouTube開Channel，亦有人選擇在抖音小紅書做直播主，希望透過自身人氣帶領流量，創造另一機會。近日有網民在FB群組「西店Hi客之道」出po，聲稱有一晚到中西區某地庫food court食飯，期間遇上一對由電視圈轉型做YouTuber夫婦，因為一張枱的清潔問題，令這網民不滿並直斥：「其實咁樣真係好冇禮貌同好冇教養。」事件曝光後，隨即引起其他網民熱討，經分析揪出嫌疑夫婦。
【點擊睇YouTuber夫婦被網民狂轟】：
昨日（8日）有網民在FB專頁「西店Hi客之道」出po，聲稱有晚同朋友去中西區某地庫food court食飯，撞到某對由電視圈型做YouTuber夫婦，這網民憶述當時情況：「佢哋應該拍嘢但係冇枱。叫咗助手搵枱先，但個場太full，某啲嘢食出咗餐，佢哋兩公婆到咗都搵唔到位。等到我哋對面枱走咗時，咁正常個food court好快會有人嚟清枱，而同時我朋友都出咗去拎嘢食番咗嚟。」
當這網民準備與朋友進食的時候，竟然發生了一件不快事：「兩公婆YouTuber嘅老公一句嘢都冇講，就將自己嗰台上一手食完嘅餐盤，不停搬晒過嚟我哋嗰枱，同時間我哋嗰台仲有另一組食客，我同朋友都呆咗咁望住對方，然後YouTuber老婆見到我哋黑晒面，有即刻叫人嚟清理，但畀YouTuber老公叫咗去清理佢哋準備拍嘢嗰張枱先，其實咁樣真係好冇禮貌同好冇教養。」
貼文隨即引爆熱議留言叫「開名」
這貼文隨即引爆熱議，有人留言叫「開名」，亦有人說：「做公眾人物做到咁真係好失禮」、「呢兩個成日係圓方見到，對眼生係額頭㗎喎」、「都已經叫人清， 點解仲要咁x街放人哋張枱」、「對男嘅印象只有佢嘅英文口音好造作，女嘅完全無印象」。其後更有人到YouTuber夫婦的channel留言，有人說：「聽講你哋拍嘢好趕時間wo，拎啲人哋食完嘅餐盤，放過去人哋用緊嘅個張枱度，好想睇你哋多啲周圍拍啊」、「喂，不如解釋下點解可以咁無禮貌將你張枱上一手食完嘅餐盤，擺去其他人食緊飯張枱？仲要唔好意思都無句，」