新城台慶丨張敬軒做完活動飛美國唔怕再故障 聽從前輩建議立定平安紙

張敬軒和李幸倪（Gin Lee）、馮允謙（Jay）今日出席《新城台慶Music Fantasia音樂會2023》記者會。張敬軒表示活動後飛往美國做巡迴演唱會，今日（24日）凌晨有一班飛往美國洛杉磯的客機起飛時發生故障，他認為只是個別事件，希望會檢查清楚，但原他一早已聽從前輩建議立下平安紙。

【相關閱讀】：國泰客機故障｜李施嬅遇飛機事故釀18傷 驚爆撞《金宵大廈》情節網民嗌癲

【點擊睇張敬軒李幸倪出席新城音樂會靚相】：

張敬軒其中一站會到拉斯維加斯演出，問到可會趁機到賭場下注，他笑言有前輩教落到賭場要放低少少錢，但本身不會豪賭，只會玩輪盤及百家樂去小賭怡情。張敬軒自認賭錢並非「明燈」，反而蔡卓妍（阿Sa）相當有橫財運，而且有賭聖風範，更笑言若跟阿Sa賭錢，都會穿上紅色低褲。他說：「每年新年老闆都會派利是，但每次我哋明星隊喺賭枱上都會輸，最後要靠阿Sa力挽狂瀾，跟住老闆好似開庫一樣。」

提到今日有客機起飛時發生故障事件，張敬軒表示他知道有此事，並說：「我知道李施嬅喺機上，佢都喺社交網報平安，其實冇事已經係福氣。」問到經常飛往外地工作，可有遇上九霄驚魂事件？他表示有次飛往德國期間遇上嚴重氣流，歷時7、8分鐘，更有空姐被拋起。他又指入行後有前輩教他，從事這個行業經常要乘搭各種交通工具，故要立定平安紙，而他每年也會更新。他說：「因為同公司有合約，玩高危活動前要得到公司批准，試過有藝人同事玩完上載去社交網，之後俾公司照肺。但我哋藝人都係公司嘅財產，係要錫身啲。」

鄭欣宜（Joyce）近兩個月未露面，經理人林珊珊指她療傷中，同場的好友馮允謙表示跟鄭欣宜有傳訊息聯絡，但暫時情況不想講太多，不過知道對方需要空間，希望大家給予空間欣宜。他說：「佢休息緊，希望佢無咩啦！我都好掛住佢，做藝人忙起上嚟無時間休息同有煩惱，希望佢要休息同快啲返嚟，都想幫佢寫歌，一定休息夠先返嚟，唔好咁Rush，我好掛住佢把聲。」

8月26是李幸倪（Gin Lee）的36歲生日，她表示表示音樂會舉行當日適逢是其生日，多年來未試過生日開工，又笑言今年不敢請太多假期，應要努力工作去爭取每個工作機會，今次更可以跟軒仔、馮允謙和林奕匡同台演出，令她很期待。談到她當日生日演出時，可能會獲粉絲大合唱生日歌慶祝，她即笑言若有驚喜會十分開心，又認為年紀愈大，反而想回饋粉絲。她說：「疫情以來也未有舉辦過粉絲聚會，今年可能提早喺我生日前搞，𠵱家搵緊場地同節目。」