專欄│友賽不俗 望阿仙奴勇態帶到英超

歐洲各大聯賽即將開鑼，而今屆阿仙奴最後一場季前熱身賽酋長盃，就邀請咗法甲球隊里昂。

上場熱身賽阿記面對利華古遜，大勝對方4:1，雖說熱身賽賽果不能作準，但整體球員表現同狀態都相當對辦，左路發揮尤其出色，夏維斯、李安度杜沙特，辛真高各有1球士哥，加比爾捷西斯亦為球隊錦上添花。今場對里昂都係主場出擊，期盼能捧起獎盃。

而里昂上場友誼賽亦贈柏林聯4隻光蛋，尼日利亞小將奧賓後備上陣梅開二度，攻力不容忽視，同時今仗亦係美蘭尼爾斯倒戈之役，或會爭取上陣機會。希望阿仙奴順利贏波之餘，亦可以將強勢帶入下星期展開的英超。佩芝